HE MIHI NA WAIKATO ME ETAHI WHAKAPAPA.

Toa Takitini, Issue 32, 1 April 1924, Page 23

HE MIHI NA WAIKATO ME ETAHI WHAKAPAPA.

Whatawhata, Pirongia, Waikato. Kite Etita. EHOA, mau e uta atu a matou mihi ki a Te Arawa mo ratou i tae mai kite waha mai i nga mate o runga i nga marae o Te Arawa. Kua tae mai, kua whakatakoto tahitia kite marae o Waikato, ki nga aitua o runga i a Tainui. Na Te Arawa tenei kotahitanga i wherawherahia mai nei ki ahau kia Waikato, te kawenata o tatau tupima. Ka kite ka rongo i o mahi e Te Arawa. Ko tenei, mahia mai ta tatau kaupapa. Koina he kaupapa ma tatau nei e Te Arawa. Te ihu to mai i o tatau tupuna. Ka mae a Rangitihi i a Manawakotokoto, ka puta ko Rakeiao ko Kawatapnarangi. ko Apuina, na Kawatapuarangi ko Pikiao, uana ko Hekemaru nana ko I erata, nana ko Maliuta, nana ko Tapaue ka moe i a Te Tuhi, ka puta ko Tuata, ko Te Putu, ko Te Rauangaanga, ko Potatau ka moe i a Whakaawi, ka puta ko Tawhiao, ko Mahuta, ko Te Rata. Koinei te uretaane o Kingi Te Rata.

Ka moe a Rangitihi i a Papawharanui. Ka puta ko Tuhourangi. Ka moe i a Rakei tahaenui ka puta ko Taketakehikuroa. ka moe i a Te Aotaramarae, ka puta ko Tuteamutu. Ka moe i a Te Aorauru. Ka puta ko Umukaria. Ka moe i a Hinemaru ka puta ko Wahiao. Ka moe i a Uruhina, ka puta ko te Angaanga Waero. Ka moe i a Hape, ka puta ko Mariu-i-te-rangi, nana ko Tokoreko, nana ko Tateahiraukura, nana ko Noke raua ko Rangitewiwini na Noke ko Whakaawi ka moe i a Potatau. Ka put ko Tawhiao, ko Mahuta, ko Te Rata. Ka moe a Rangitewiwini i a Te Waharoa ka puta ko Tamehana, ko Tupu, ko Tarapipipi. Ka moe a Tuhourangi i a Rongomaipapa ka puta ko Uenukukopako. Ka moe i a Taoi, ka puta ko Kiritai. Ka moe i a Putakaikura, ka puta ko Ueroa raua ko Hinepounamu, nana ko Te Ruai, nana ko Toreheikura, nana ko Te Tuhi: Ka moe i a Tapaue, ka puta ko Te Rauangaanga. Nana ko Potatau, ka moe i a Whakaawi, ka puta ko Tawhiao, nana ko Mahuta, nana ko Te Rata. Ko te whakamutunga tenei o mahi e Te Arawa i hoki atu ai koe. Heoi, hei kona ra koutou noho mai ai. Kia ora Te Arawa i takahi mai nei o koutou waewae kite marae o Waikato. Kahuri. [Kaore te kaumatua nana te reta nei i mahara kite tuhi i tona ingoa. — Etita.]