NA WAI I MAU TUATAHI MAI TE WHAKAPONO KI ROTORUA?
I ROTORUA te Etita ota talou pepa, mete Hekeretari ote Pihopatanga o Waiapu e hararei ana i te marama o Hanuere. He nui nga take i tupono mai ki a raua i reira, ara he marena, he nehu tupapaku, he huaranga mai i nga korero tawhito o te timafanga mai o te whakapono ki a Te Arawa, he whakahaere karakia whakatapu i nga haki a etahi o nga hapu o Te Arawa i mauria ai i roto i nga pakanga o nga tan 1861 ki 1872. Mo te taha kite whakapono tera tetahi ingoa kaumatua na Te Wiremu tonu i whakahua tona ingoa, ara ko Pango, nana i tono te whakapono kia mauria mai. Kaati he whakamarama tenei, e rua nga Pango i taua wa i roto i a Te Arawa, engari kaore e tino tuturu ana te mohiotia ko tehea o ana Pango te tangata nana i tono ki a Te Wiremu kia mauria mai te whakapono ki aTe Arawa. Ki te whakaatu aTe Wiremu Karuwha, ko taua tangata ko Pango Ngawai, Ngaihi ranei. Kei te he pea nga reta o tc ingoa nei, kaore hoki ra i te mohiotia a Paiigo Ngawai, Ngaihi ranei. Ko nga Pango e mohiotia ana, ko Ngahuruhuru, ara Ngakai tetahi, ko Ngawene tetahi. Tokorua raua he rangatira anake. Ko taua tangata na Te Wiremu i ora ai i a Ngapuhi te patu, na Te Wiremu i whaka hoki mai ki Maketu. Tenei nga reta whakamarama mo tetahi mo tetahi. ,
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19240208.2.4
Bibliographic details
Ngā taipitopito pukapuka
Toa Takitini, Issue 30, 8 February 1924, Page 2
Word count
Tapeke kupu
256NA WAI I MAU TUATAHI MAI TE WHAKAPONO KI ROTORUA? Toa Takitini, Issue 30, 8 February 1924, Page 2
Using this item
Te whakamahi i tēnei tūemi
See our copyright guide for information on how you may use this title.
Log in