POROPOROAKI A KAPENE MEA.

Toa Takitini, Issue 30, 8 February 1924, Page 13

POROPOROAKI A KAPENE MEA.

E aku Tamariki. Mo nga take e rua kua timata tia e te Arawa engari kaore ano kia tutuki. Whakahohorongia te Hakirara ake a te Arawa mo ana Whakapapa me nga Karakia me nga Waiata me nga Korero katoa o te Waka. Kei te matao i naianei tenei take, whakamahanatia kia teretere kia rite i roto ite wa poto. Otiia ra kua oti ano he maro kau no etahi tai tamariki i roa ai. Kua whakarerea iho e au ki ta koutou Tamaiti kia Taiporutu te Mapu nga pukapuka katoa e pa ana kia te Arawa i te wa o te Pakeha a ma raua ko taku iramutu e

whakakaupapa ana pukapuka e rarangi ai nga mahi a o koutou Koroua i ki ai au i tenei ra ko Aotearoa te Moutere! Ko te Arawa te Iwi. Tenei take e aku tamariki, me nga morehu o te Arawa whaka—kia mama. Kei penei me ahau ena Morehu koroua haere noatu kaore i kite a kanohi i te taonga. Tuarua. Te Kohatu whakamaharatanga o te waka me a tatou tamariki e takoto mai ra i Tawhiti i roto o te kopu o te whenua mete wai. Whakaarangia te mahara ote Arawa ite reo Kohatu. He tohu tuturu tenei o te wa tawhito me te wa hou hoki. Ma tenei whakamaharatanga e rohe atu nga mahi onamata ka titiro te nui te it i he taonga atahua. A ma tenei Kohatu ano hoki e tohu te timatanga onga mahi o te Ao hou e piki tonu ai te ingoa o te Arawa hei pou tokomanawa i roto i nga toto ote tangata i waimarie kite whiwhi ite huarahi whakapapa ki nga Tupuna Rangatira o te Arawa. Ka mutu i konei nga korero kia koutou. Kei te koa te ngakau 1 puta ano aku mihi ki le Iwi mete Waka i mua ote rerenga o te wairua o to koutou Koroua aroha ki ana hoa maha i te Po. Kaati ake te taha kia koutou me a tatou mahi. Ka huri i naianei te mahara ki waho o te rohe o te Arawa ki taku tamaiti aroha kia Apirana Turupa Ngata. Tena koe! Tena koe! Te Tamaiti matamua ate tino Tupuna oteAo a Matauranga. Ton marama, ton kaha, me ton aroha he mea whakamiharo kite ngakau o nga tangata whai whakaaro. E taku tamaiti titiro hohonu, ko koe anake te tirohanga atu a te Iwi Maori i naianei hei whakataanga i o ratou mauiui. Kia kaha e Tama ma te Atua koe e awhina i nga wa katoa. Itu kino tia ra koe eaue te Arawa a i utua e koe te kino ki te pai mete aroha. He ohaki tenei na to Koroua. Ahakoa a nga rangi e heke iho nei ka korikori nga pu manawa e warn o te Arawa kia marama tonu to ngakau— pena e he ana mau e tohutohu pena e tika ana mau e awhina ratou. Tena koe! Te Toka tu moana o te Iwi Maori. 44 Kainate! Kainate! Kaora! Kaora! Tenei te tangata Puhuruhuru. Nanai tiki mai whakawhiti te Ra. Hupane! Kaupane! Hupane! Kaupane! Whiti te ra.” Hei Konei ra e taku tamaiti, para ai i te maara kia ngawari ai te mahi a ratou e haere mai i muri. Tena koe! Taku aroha kia koe me o Koroua, kia Paratene raua ko te Kairakau. Hei Konei! Hei Konei! Hei Konei! E Koro ma —he kupu whakamutunga hei manaaki hei aha noaiho ranei ma koutou. Ko te tikanga ra ia me takoto ahau ki Whangajrei kite taha o aku Koeke me te whanau katoa engari iirunga i te aroha ki aku Rangatira o te ArawaMaketu ki Taupo ka hiahia te ngakau kia takoto i tetahi waahi o te oneone o te Arawa kia rongo tonu ai to koutou Koroua inga mariawa ote Arawa e kori ana i runga i tana Waka. Otiia kua ki ta

koutou tamaiti me takoto ahau kite Papa I Ouru. Ka nui te koa me te hari mo tenei whakaotinga. lau e ora ana na koutou ahau i manaaki. A i au ka mate whakahonore tia ano taku tinana e koutou ara ka nehua ki runga i taku Waka e arohatia nei e au i te Ao i te Po. Hei Konei ete Iwi! Ka kite ano ia koutou i tera Ao. Ma te Atua te Waka e tohu ake tonu atu. He Kupu kinga Hoa Morehu i mau pu inga ra Pupuri a te Arawa i te Tiriti o Waitangi, a e mau nei ratou i te Tohu Mera Whawhai a te Kuini. Rangiteaorere.* Mitn Taupopoki. * Tumatahi.f Tokoihi. / Tahoka. 4 ' Rangiriri. ' Tieri.e Ncramahirau.' Taru. Ehau Anaha. v Arama Karaka. * Te Popoki. Te Wairama. v Kepa Te MahiaK E~uera Karaka./ Te Ahrmiro. Taranaki. Haukiwahoy Wharerere. v Matuha. ' Pirika Hohepa. - Rewe’i Rewiri. Hehe Hakopa. S Te Matehaere. v Tena koutou! E hokihoki tonu ana te mahara ki nga ra ote kino mete ururua a kei te koa te ngakau ko nga kaupapa i uai koutou k ite Kuini kei te mau tonu i enei ra, E hora nei te marino i runga ote Motu me nga whakahaere. Na koutou ra me ratou ma kua riro, i runga i te awhina a te Po i kiia ai he kainga ano a Niu Tireni e tupu tahi ai te Iwi nui o te Ao a Ingarangi me te Jwi iti oteAo te Maori i raro ite Ture kotahi mete aroha tetahi ki tetahi. Tena koutou te Manawanui. Kua haere tenei Hoia ki era Hoia whakaatu ai kei te pai a muri. Hei konei nga Morehu ate Hokcwhitu a Tu. Mate Atua koutou e manaaki. Tena koutou! Tena koutou! Hei Konei! Hei Konei! Ete Iwi Na to koutou Koroua, aroha. NA KAPENE MEA. Tauranga, Noema, 1923,