"THE OLD FRONTIER."

Toa Takitini, Issue 30, 8 February 1924, Page 13

"THE OLD FRONTIER."

HE PUKAPUKA HOU. TENEI tetahi pukapuka hou katahi ano ka oti te perehi, he mea tuhituhi e to tatou hoa e Hemi Kawana (James Cowan. F.R.G.S.). Ko te taitara tenei o taua pukapuka “ The old Frontier.” Ko te kaupapa o taua pukapuka he whakaatu i nga korero tawhito o te wa i noho ai te pakeha kite takiwa ki Te Awamutu, ki Waipa. Hoki ai ana korero kite po ra no, ara ki nga wa kai-tangata, aka tae mai kite wa i tae atu ai a Te Ahiwera (Rev. B. Y. Ashwell), te minita tuatahi ki era takiwa. No muri mai ko nga raruraru itu ai nga pakanga i waenganui i te pakeha i te Maori. Kanui te marama o nga korero mo nga whawhai i Rangiaowhia, i Hairini, i Kihikihi, i Orakau. Ko te pukapuka nei kei te reo Ingarihi, engari kaore i uaua rawa nga kupu. Mehemea he hiahia to koutou kia mohio ki nga korero o te timatanga mai o te whakapono tae noa kite noho tuatahi a te pakeha. me nga whakamarama o nga pakanga, tukuna atu he ota ma koutou ki a J. Cowan, Lyall Bay, Wellington. Tena ranei kei a koutou pakeha hokohoko pukapuka etahi kape. Kanui nga whakaahua kei taua pukapuka. ara a Rewi Maniapoto, a Tc Rohu, te pouaru a Rewi, a Hitiri Te Paerata, a Winitana Tupotahi, a Meiha Mea, a Taonui Hikaka, me nga pakeha rongonui o era wa, tae noa ki nga map! o nga wahi i tu ai nga pakanga He tino tohunga a Te Kawana mo te tuhituhi pukapuka, he pai tana whakalakoto korero. Kua maha ana pukapuka i tuhituhi ai. He tangata mohio kite iwi Maori, mohio hoki kite reo Maori. Ko te nuinga o ana pukapuka i perehi ai e pa ana kite iwi Maori. Koinei nga tauira pukapuka e lika ana kia tangohia e nga Maori mohio kite korero pukapuka ite reo Ingarihi. Kia ora e hoa e Te Kawana, mo tenei taonga whakamiharo, kua oti nei i a koe te whakairo, hei taonga tuku iho ki nga whakapaparanga e haere mai nei i muri i a tatou. —Na te Etita.