HAANA NGAKII TE KAPAIWAHO O NGATI RANGIWEWEHI O TE ARAWA.

Toa Takitini, Issue 30, 8 February 1924, Page 8

HAANA NGAKII TE KAPAIWAHO O NGATI RANGIWEWEHI O TE ARAWA.

E te Etita, Te Toa Takitini. ITE 27 o Hanuere nei kamutu te manawa ora i roto ia ia i Tarimano nei. He kuia i heke mai i roto i nga kawai nunui o nga tupima rangatira o runga i a te Arawa me etahi atu o nga waka huhua i whitikia mai nei a Aotearoa. No te 29 rawa ka eke mai nga iwi kite tangi. I konei hoki a Atirikona Himikini me toona ropu Minita. Ka mutu te tangi, ka haere nga whai-korero nga mihimihi nga poroporoaki kite aitua. Katahi ka rangona, ka mohiotia hoki, ko te kuia nei e whaawhai ana ona tan kite 100 mate nei. Ara kai tua ote 90 tan. Ko ana uri i waiho ora ake i te Ao e 6 nga Tama; 5 nga Tamahine; 92 nga Mokopuna tuatahi; 64 nga Mokopuna tuarua; 1 te Mokopuna tuatoru; huihui ai 168. Ako taana mihi whakamutunga ake ki ana tamariki i tona taha i taua wa. 44 Kai te pai koutou he tokomaha kia aroha kia koutou.” No tenei takiwa te marae katoa, ka rereke nga whakaaro. Ka takoto ko nga mihi nga poroporoaki. Kamea etahi: 44 Kai te pai to haerenga itemea kua ki te Ao ion uri.” Ko etahi i mea 44 Kapai, whakatupuria ekoe kia hua kia tini o uri ki runga ite whenua haere ana koe.” Kamea etahi: 44 Nau rawa i rite ai te Kupu ato tupuna aTunohopu.” 44 Haiaha ahau te mate noake ai itemea kua tupu taaku Pa Rito.” Tera atu tera atu nga kupu. " Otira, ka titaha te ra (2.30 p.m.) ka haria kite urupa, na te Atirikona Himikini nga kupu Kauwhau i tukua atu ai ia kite kopu ote whenua kite reo hoki ote Ariki i mea iho ra 44 Kauaka ahau e tangihia engari me tangi kia koutou, kia koutou tamariki.” (Ruka 23: 28). E nga iwi. 44 Nga mate hoki okona me tangi noatu i konei.” —Na Wi Maihi Ereatara.