TE POARI WHAKAHAERE I NGA KORERO TAWHITO.

Toa Takitini, Issue 28, 1 December 1923, Page 14

TE POARI WHAKAHAERE I NGA KORERO TAWHITO.

KUA tae mai te ripoata a te Poari mo nga whakahaere o ta ratou hui tuatahi itu kite Whare-paremata i Poneke ite 30 o nga ra o Oketopa. Ko nga motini enei i paahitia: — (1) Kia whakaritea ko H. R. H. Balneavis (Te Raumoa) he Hekeretari no te Poari. (2) Kia whakamana e te Minita mo te taha Maori te hiiri o te Poari. (3) Kia utua te £SO i te tau ki Te Toa Takitini mo te perehi i nga take a te Poari i roto i tana pepa i ia marama. (4) Kia £IOO hei awhinatia ma te Poari i te Polynesian Society i tenei tau, a kia £3OO a tera tau, kia oti ai te te perehi o ta ratou pukapuka. (5) Kia waiho ma te Poari e perehi te pukapuka i tuhia e Te Peehi, tona taitara ko 44 Te Maori.” (6) Kia puta he mihi ma te Poari ki a Ngati Porou mo ta ratou mo-ni e £250 hei awhina i nga mahi a te Poari, ara hei whakarite i tetahi wahi o nga raruraru mo te perehi i 44 Te Maori ” i tuhituhia nei e Te Peehi. (7) Kia whakaritea he Komiti hei whiriwhiri mo nga raruraru katoa o te tuku i tetahi ropu ki Tahiti, ki Raiatea me era atu moutere o te Moana-nui-a-Kiwa, rapu haere ai i nga korero tawhito. (8) Kia puta he mihi ma tenei Poari ki a Roa Manunui, me tona whanau katoa mo te Aitua i pa nei ki a ratou i te matenga atu o Te Whatahoro, te Kai-tuhituhi o nga korero tawhito.

KO nga korero tawhito a te Poari kua tu nei mo era tu take, hei te kape o Hanuere ka puta ai. E wha a ratou wharangi motuhake. Ma to ratou Poari e tuku mai nga take hei perehi. Kaore ano he ropu penei te alma me nga mema o te Poari nei kia whakahuihuia mo enei tu take. Ko nga tino maramatanga enei mo nga take Maore.' Titiro iho ki nga ingoa nei, ara ki etahi o nga Mema o taua Poari. Ko te Minita Maori, ka Ta Maui Pomare, ko Apirana Ngata, ko Takuta Rangihiroa, ka Atirikona Hapata Wiremu, ko Te Peehi, ko Te Kina, ko Tiati Jones te Tiamana, ko Te Raumoa te Hekeretari. Tangohia he kape o Te Toa Takitini o Hanuere ma koutou, kia kite ai koutou i nga korero a te Poari whakahaere i nga take tawhito a nga iwi Maori o nga moutere katoa. E whai mana ana nga Minita katoa kite tango i o koutou ingoa me nga hereni, a ma ratou e tuku mai.