MO MOTATAU.

Toa Takitini, Issue 28, 1 November 1923, Page 15

MO MOTATAU.

KO tetahi o nga tikanga nunui i oti i tenei tau i roto i te Ture Horoi ko te rarangi 16 mo Motatau Nama 2, he whenua kei te tai Tokerau. Kei nga mate o tenei whenua ka tu a Tau Henare, ka whakaari i a ia hei mema i te tau 1914. I roto i ona tau katoa e tu nei hei Mema mo te Paremata, kei te akiaki haere tonu ia i tenei lake, kia whakaotia e te Kawanatanga. No te tau ka taha nei, ka tukua e te Minita Maori te Tumuaki ote Kooti Whenua Maori, kite uiui i taua take. Ko te mate hoki o te whenua nei, kei nga whakahaere kuare a te Poari Whenua Maori ote rohe o Tokerau. I whakapaua nuitia he moni hei hanga rori ki runga ki taua whenua, ma te whenua ano e whakaea, Ko nga moni na te Kawanatanga i tuku mokete kite Poari. Ko te tikanga kia ea i nga rakau o runga i taua whenua tenei taimahatanga, otira i te pohehe o nga whakahaere a te Poari, ka riro nga rakau, ka riroi hoki nga riihi o te whenua i nga utu ririki rawa, na kaore i ea te moni a te Ka-

wanatanga, ka waiho tonu hei patu i te whenua. I runga i te ripoata a te Tumuaki o te tau ka taha nei ka whakaae te Kawanatanga kia hangaia tetahi ture, koia tenei:— • 1. Ko tetahi wahi o te taimaha ara, e £4500, i whiua ma te Tari o nga Mahi Nunui (Public Works) e whakaea: kia kiia ai hoki, i mahi rori ano tent tari ki runga kite whenua Maori. 2. Ko tetahi wahi o te moni ara £IOOO i whiua ma te Poari ano e utu i roto i ana ake moni (Profit and Loss Account). ' 3. Me utu hoki e te Poari nga moni kei tona ringa e pupuri ana o te whenua -nei, ara, o nga rakau, o nga riihi. Ko te toenga o te moni ma te Kooti Whenua Maori e wehewehe ki runga ki nga wawahanga maha Motatau Nama 2, a, ma te Poari e pupuri nga moni hua o aua wahi hei whakaea i nga moni e .whakaritea ai e te Kooti. Ko nga wahi o l te whenua e kitea e te Kooti e watea ana i tenei taimaha ka ahei kia whakahokia ki nga tangata no ratou taua wahi. Ka ahei hoki te Minita Maori kite whakahoki i ngawahi e tae ana kite Poari, kaore ano nei i riihitia, ka whakahokia atu ki nga Maori, engari ka tau ki runga ki aua wahi nga moni taimaha e whakaritea ai e te Kooti. Kua whakahaua hoki te Kooti Whenua Maori kia mahi i nga raruraru o tenei whenua i tenei raumati. Kia ora e hoa e Tau, mo tou kaha kite whakatutuki i tenei mamae o tou iwi.