NGA KORERO MAORI O NEHERA.

Toa Takitini, Issue 27, 1 October 1923, Page 9

NGA KORERO MAORI O NEHERA.

IWAITOHUTIA i era putanga o te pepa nei, tera kei te whakahaerea he tikanga e nga Mema Maori, e te Minita Maori hoki mo tenei take. Ko tetahi o nga take nunui i urn kite Ture Horoi i paahitia ete Paremata, ko te rarangi whakatu i tetahi Poari, hei whakahaere i nga huarahi. e taea ai te whakawhaiti nga korero Maori nehera o enei motu tae atu hoki ki nga moutere maha o Hawaiki. I whakamanaia hoki e tana rarangi kia ahei te Minita Maori ki te tono ki nga Poari Whenua Maori, kite Kaitiaki Maori hoki, kia wehea mai i roto i nga moni itarete, i nga moni wiini ranei tetahi moni hei whakahaere i nga tikanga a te Poari. Ko nga mema mo tana Poari kua whakaritea e nga rekureihana i hangaia i raro i tc ture, koia enei: — Ko te Minita Maori, hei Tiamana. Ko te Hekeretari-raro o te Tari Maori, hei Teputi-Tiamana. (Ko tena tuunga kei a Chief Judge Jones i tenei wa.) Ko te Hekeretari-raro ote Tari Internal Affairs. (Ko tena tuunga kei a James Hislop, ko ia te upoko o te Museum

o Poneke, kei reira nei a te Peehi e mahi ana, e whakawhaiti ana i nga korero Maori.) Ko nga Mema Maori tokowha o te Paremata. Ko etahi tohunga toko-wha na te Minita Maori i whakatu, ara, ko Te Peehi (Elsdon Best), Ko Atirikona Hapata Wiremu* ko Te Rangihiroa, ko H. D. Skinner (he tohunga no te Kareti nui o Otakou). Ko te hui tuatahi o te Poari nei i tu kite Tari o te Minita Maori ite Taite, te 30 o nga ra o Akuhata. I runga ite tono a te Minita Maori, ka whakaturia ko Te Raumoa (H. R. H. Balneavis) hei Hekeretari mo te Poari. I whakaritea hoki kia tonoa kia whakawhaitia mai enei moni hei whakahaere ma te Poari i ana tikanga, ara: —I nga Poari Whenua Maori e £SOO, i te Kaitiaki Maori e £250, i te Native Civil List e £250, i te Kawanatanga o Rarotonga £lO9, i te Kawanatanga o Hamoa e £250, hui katoa £1350. Kanui te koa o te ngakau i te mea kua whakatinanatia tenei take nui epa ana kite iwi Maori.