HE PITOPITO KORERO.

Toa Takitini, Issue 27, 1 October 1923, Page 8

HE PITOPITO KORERO.

TE MAAHI, PIRIMIA,— te poo te Turei te 28 o nga ra o Akuhata, ka rere atu a Te Maahi, Pirimia, i Poneke, e aim ana ma Amerika ki Ingarangi, ki te hui o nga Pirimia o nga whenua katoa i raro i te mana o Ingarangi. Tera e tae kite ono marama, ki te warn ranei marama, e ngaro atu ana ia i Nui Tireni. WIRIWHATA. —Riira o te Apitihana. No te 7 o nga ra o Hepetema ka rere atu a Wiriwhata raua ko te hoa wahine i

Poneke, ka ahu ma Poihakena ki Tiapani, ki era whenua haereere ai. E haere ana a Wiriwhata ki te whakata, he ahua mate no tona tinana. NGA UTU WUURU. — te rongo mai o tawa'hi kei te ahua piki ake te utu ote wuuru. He maha hoki nga piarama i kore ai he makete wuuru ki Ingarangi, i te raruraru o nga tangata mahi i nga waapu o reira. Ko te taonga tenei o te ao kei te heke haere he wuuru, i te heke iho ano o te kaute o nga hipi ote ao. Ko nga tangata ia kei te piki haere. Ko te tumanako tera kia mau tonu mai i runga nga utu o tenei taonga, kei konei nei tetahi huarahi nui o te oranga ki nga tangata o Nui Tireni. NGA UTU- KARAREHE.Kei te popoke te iwi pakeha kite hipi, kite reme i tenei takiwa ote tan. Kei te ahua hoki haere ake hoki te utu o te kau. He rongo pai ano hoki tenei. Ko te tau nei he tau nui te ua, ka nui te makuku o te whenua, a tera e nui te otaota hei kai mete kararehe. NGA UTU PATA, TIIHI. — nga rongo mai o tawahi kei te pai te utu ote pata, ote tiihi. Katahi ano ka rite te utu o te pata o Nui Tireni ki o Denmark ite marama ka taha nei. He pai kia pera tonu, ki te ki hoki a nga tohunga kaore i rereke atu nga pata o Denmark i o Nui Tireni nei, na te tawhiti mai pea o enei moutere i Ingarangi i rereke ai te utu o ona pata. TE TURE WHAKAHAERE I NGA MAHI PATA.—I paahitia tenei ture e te Paremata, engari i kiia kaua e whaimana, me matua whakatau ra ano i runga i te tikanga pooti e te nuinga o nga tangata mahi miraka kau. Kei te whakahaerea e te Kawanatanga nga tikanga o taua pooti i naianei, ara. kei te hangaia nga rouru o nga tangata main miraka kau.