NGA TAKARO.

Toa Takitini, Issue 26, 1 September 1923, Page 8

NGA TAKARO.

KOI riri mai te hanga koroua nei ki enei korero: he korero mo nga takaro a a tatau tamariki. No enei ra ratau i koroua ai: ara ia nga ra 44 ote huinga o aku turi, o taku rang! marohitanga.” Ka 44 tuku tenei ratau ka popopo, ka paewaitia,” ka tata te heke ki to te tangata takotoranga, e whanga ai kite whakaarahanga, a te ra whakamutunga. E ki ana a te Matorohanga i takaro rawa hoki nga atua, i ta potaka, i neti, i whai, i takaro i era atu takaro. Na te pakeha ia te whutu-pooro, te hooki: na ka waiho nei hei takaro tauwhainga ma te ao-maori, ma te ao-pakeha. I kiia a Parata he porangi, mo tana whakatakanga i tetahi ope Maori hei purei whutu-pooro ki Ahitereria. Otira kua whanau mai i roto ite tikanga a Parata, ko tenei taonga nui, ara, kua kitea mai te iwi Maori e nga tohunga o te pakeha, ko ratau tetahi iwi toa ki taua mahi. I te 4 o nga ra o Akuhata nei ka tauwhainga te hunga whiriwhiri o Aotearoa kite hunga whiriwhiri ote Waipounamu. Toko-ono nga Maori i uru ki to Aotearoa nei, ko Peina, ko Potaka, ko Timi Mira, ko Gemmell, ko Hakopa, ko Bevan. Ko matau i kite i taua takaro, a i kite hoki i te kaha, i te tau o nga Maori ki te purei i roto i nga pakeha. Na, i te inutunga o taua purei ka kowhiria te ope o Nui Tireni, kua huaina nei ko te 44 All Blacks” hei tauwhainga ki New South Wales a te 25 o nga ra o Akuhata nei. Tokorima o nga Maori nei i uru ki taua ope Na, he mea nui rawa tenei. Ko te tomtom o te iwi Maori, ko te tawhiti o ratau i nga tirohanga kanohi a nga tohunga kowhiri otiia kua riro mai ia ratau e rima nga tuunga o roto ite tekau-ma-rima. Ko te hua tenei ote porangitanga o Parata: na tona whakahaere i whakakite te rawe o nga tamariki Maori. Tena e tarn a ma! e tap a i koutou! Na ko te 44 hooki ” he takaro hou ki nga takiwa Maori, no muri noa mai nei ite whutu-pooro i timata ai. Na ite purei a nga tamariki wahine ka puta te toa o te tiima o Turanga. Ko tetahi o nga tamariki wahine o taua ropu he tamahine na Hamiora Hei. No tenei tau ia ka whakawhiti ki Otepoti (Dunedin) kite Kareti i reira. He tamaiti toa hoki kite hooki. Kitea rawatia ake ko ia tetahi o te tiima kowhiri o te Waipounamu i purei kite tiima kowhiri o Aotearoa. Tena e hine ma! e tapa hoki i a koutou!