NGA PAPA TIO.

Toa Takitini, Issue 26, 1 September 1923, Page 3

NGA PAPA TIO.

]'/ UA kokiritia e te Miinita mo nga Moana (Minister of Marine) tetahi pire hei whakatikatika i te Ture Hi-ika (Fisheries Act) Kei roto tetahi rarangi epa ana ki nga toka tio. Ko te whakamarama poto tenei o tana rarangi: (1.) Ka ahei te Kawana kite kahiti, kite wehe i tetahi wahi o te moana, e paria ana e te tai, a e pa tata ana ki tetahi kainga Maori, hei wahi rahui tio, e ahei ai ko nga Maori anake e mahi i nga tio o taua wahi hei kai ma ratau. (2.) Ma tetahi Komiti Maori o nga Maori e noho tata ana ki taua papa tio, e whakahaere ona tikanga: a, ma te Minita mo nga Moana e whakamana taua Komiti. (3.) Ko nga mahi ma te Komiti, he tieki i taua papa tio, he whakahaere i nga tikanga me nga wa tika mo te tangohanga i nga tio o taua wahi, a, he pupuri he whakahaere i nga moni e puta mai nga tio 6 taua wahi e hokona ana. (4.) Mehemea ka kitea e te Komiti kua nui rawa nga tio rarahi, kua nui rawa atu ite kaha o nga Maori kite kai, ka ahei ratau kite hoko i etahi o aua tio kite Minita, a, ko nga moni e puta mai e pupuri hei whakahaere i nga tikanga mo taua papa tio. (5.) Kaua e whaimana te Komiti, tetahi Maori ranei kite hoko kite tapae atu ranei kite pakeha i etahi tio o taua papa tio, haunga ia te mana o te Komiti i raro i te mana o te rarangi (4) i ninga ake nei. (6.) Ko te tangata e takahi ana i nga tikanga o tenei ture ka whainatia kia utu i te moni kaua e nuku atu i te £2O. Na, i te kokiritanga o te piri, he kupu i roto, kia tinp rahuitia nga papa tio nei i waenganui i te 1 o nga ra o Noema mete 28 o nga ra o Pepuere. I whakahengia tenei e Tau Henare, Mema mo te Tai-tokerau, i te mea ko te wa tonu tera

e rite ana mo nga hiahia o nga Maori i te raumati. Heoi whakaaetia ana e te Komiti mo nga Mea Maori kia whakatikatikaina kia takoto penei, ma te Komiti Maori e whakaae nga wa hei rahui tanga mo nga papa tio nei. Ko te ture tahito mo tenei take no te tan 1894, he penei ano ton a aronga, engari ko te wahi hou o te pire hou nei, ko te whakaturanga mete whakawhiwhinga kite mana i tetahi Komiti Maori, hei whakahaere i nga tikanga o nga papa tio e rahnitia ana e te Kawana ma nga Maori.