HE KAUWHAU NA PIHOPA ATARIA I CHRISTCHURCH I TE RATAPU O TE TOKOTORU (Mei 27).

Toa Takitini, Issue 23, 1 June 1923, Page 2

HE KAUWHAU NA PIHOPA ATARIA I CHRISTCHURCH I TE RATAPU O TE TOKOTORU (Mei 27).

“ Kotahi Atua, ko te Matua o nga mea katoa.”Epeha 4, 6. OTAHI tonu te Atua e whakaponohia ana e' nga Hurai. Ko te tangata e noho ana i Inia e rongo ana i te reo karanga kite karakia o nga Mahometa. I etahi ra e rima karangatanga, i nga ra katoa karanga ai kite karakia ite rima o nga haora ite ata. Rangona ai i aua karangatanga katoa tenei kupu: Ko te Atua he Atua kotahi.”

Ahakoa te nui o te whakapono o nga akonga a te Karaiti kite Atua kotahi o nga Hurai, ite marama o nga akoranga a te Karaiti koropiko ana ratou ki a ia i muri iho i tona kakenga kite langi. Ko te timatanga tenei ote whakaponoi kite Tokotom Tapu, o te whakapono Karaitiana.

I tetahi ra e hoki mai ana ahau i tetahi kainga, ka tutaki mai ki ahau he tangata (he Hindu) me tana whanau e okioki ana i raro i te rakau. I haere mai ratou ma te whenua i to ratou kainga, tata kite 20 macro te tawhiti. Kaore ano ratou i kai i taua ra. Ka haere te papa kite tiki wai mo ratou. Te taenga mai o te wai e 20 meneti o te Papa e karakia ana, katahi ano ka pa ratou kite kai. Ka mea atu te Pihopa ki a ia: "‘He aha te take o to haere.’ Ka utua mai: 44 Kei te rapu ahau i te Atua.” He mea korero atu ki a ia mehemea ka pai tana whakahua i nga karakia e rite ana ka kitea eia te Atua. I a ia e haere nei, e haere ana ki tetahi temepara, me kore ia e kite ite Atua. 1 mohio te Pihopa ki taua temepara, me tana whakamarama atu e kore rawa ia e kite ite Atua i reira. Katahi te Pihopa ka ata whakamarama atu ki taua tangata i te huarahi atu kite Atua e rapua nei a ia. Kaore e kore te tipu ote aroha ki enei tu tangata.

E mama ana te hopu i te whakamarama o te Tokotoru Tapu a nga tangata e kiia nei he tutua (outcastes) o nga Inia* I marama ai ratou na te mea ko te atua o ratou matua (1) he kai-hanga no te ao, (2) he Kai-tiaki, (3) he kai-whakamate. Haere ai kite karakia i nga ra noa ote tan te 50 % (paiheneti) 0 nga Inia kua huri kite whakapono Karaitiana. I nga Ratapu haere katoa ai ki te karakia. I tetahi kainga he uaua te ako Ite inoi a te Ariki ki nga tangata o tana kainga. Te taenga o te pihopa ki tana kainga ka penei tana ako i tana iwi: 44 Te mea tuatahi hei mohiotanga mo tatou ko te Atua he Matua ki a tatou. Ko tatou he tamariki nana. He aha to korero ki to Matua? ” Ka ki mai tetahi kaumatua: 44 Kia tiakina matou kei kainga e nga taika* (tigers) (he nui hoki nga taika kei te ngahere tata atu ki taua kainga). Ka ki atu te Pihopa he aha te hiahia ote hoa wahine? Ka kiia atu he mate rumatiki to te wahine. He aha te hiahia o te tamaiti? Ka whakahokia he hiakai. Ka ki atu ano te Pihopa 44 kaore ranei he mahi he kupu ranei o nanahi kei te whakapouri i o koutou ngakau. Ka ki atu te Papa: 44 Ae, i uru mai nga kau a tetahi tangata ki taku maara, kanga ana ahau? Katahi te Pihopa ka ki atu, tena tahuri tatou kite whakaatu i enei take katoa ki to tatou Matua. Eki ana te Pihopa kore rawa ia e wareware ki nga inoi* a taua hunga, metemea na no kei te kite tonu atu ratou i te Atua. Ko te inoi a te papa tenei: 44 E te Atua ko koe to matou Matua, he tamariki matau nau. Kei te wehi matou ki nga taika e noho mai ra ite ngahere. Tiakina matou, araia atu nga taika. He inoi atu tenei mo taku hoa wahine e pangia nei e te mamae. Whakaorangia ia i roto i tona mate I puta he kupu kino i oku ngutu inanahi. Mau aku ngutu e tiaki kia kaua ai he kupu he e

put a i oku ngutu a mini nei. Manaakitia iho to matou kaiwhakawa kaore nei ia ite mohio ki a koe. Man ia e arahi mai ki too maramatanga,” Tcra atu te roanga. Ko tana tangata kaore ano kia mohio kite inoi a te Ariki i a ia e inoi neiEngari i roto i tana inoi kua man i a ia nga kaupapa o tana inoi.

Ka tae tetahi Inia (Hindu) kite whare kura ka matakitaki kite whakaahua ote Karaiti i runga ite ripeka. Ka patai “ko wai tera i runga ite ripeka? Ka utua e tetahi tamaiti ko to matou Atua tena e ripekatia na.” Ka 'whakamiharo taua tangata ka ki “ Nui ke te aroha o to koutou Atua i nga atua o nga iwi maha o te ao nei.” Rotahi karakia Whakau i roto i nga wiki katoa i te tan i roto i tona Pihopatanga. Huihui katoa nga tangata e whakaungia ana e 3,500 i te tau. I niua atu o te Karakia Whakau, nohotahi ai matou ko nga mea ka Whakaungia, korerorero tahi ai mo nga take o te Whakapono. Me pehea tatou e mohio ai kite Wairua Tapu o te Atua? Pehea te rereketanga o a koutou whakahaere mai ano otewa i iriiria ai koutou? Ka whakahokia mai e tetahi: “ Kua mutu taku kai waipiro.” Ro tetahi wahine i whakaatu he wahine pukuriri ia i mua, engari no te nohanga o te Wairua Tapu ki tona ngakau, kua mutu tera ahua i a ia- Ma te karakia Whakau e tino pumau ai te mahi pai a te Wairua Tapu i roto i te ngakau. Mehemea ka matakitaki te tangata kite tipu ote Whakapono i nga whenua pouri o te ao katahi ka marama nga kaupapa hohonu o Nga Mahi a nga Apotoro. Kei reira kitea ai nga mahi hohonu a te Wairua Tapu, e mahi ana i roto i te ngakau o te tangata. Ma te Wairua Tapu anake ka rite ai nga hiahia ote ngakau ote tangata. Ko Inia kua pena mete tangata e mate wai ana, te kaha o taua rapu i te Atua. Kei te patuki a Inia kite tatau ote Hahi. Pehea ta koutou whakahoki ta te Hahi Karaitiana? Te whakahoki tika ko tenei. “ Tenei ahau, ngarea ahau, tenei taku moni, tenei aku tamariki.” E rima tekau miriona nga tangata o Inia kei te rapu i te maramatanga. Rei te tangi mai ratou ki etahi kai-whakaako marama mo ratou. Raua hei hoki mai o koutou whakaaro ki a koutou anake. Whakarongo ki a ratou e patuku nei. Ko nga tatau kaore ano kia puare. Rote whakahoki ma koutou ko te kupu ote upoko tuatahi mo tenei Ratapu: “ Tenei ahau, ngarea ahau.” .