PIHOPA ATARIA.

Toa Takitini, Issue 23, 1 June 1923, Page 2

PIHOPA ATARIA.

KOINEI te Pihopa tuatahi ote iwi Inia. No te 29 o nga ra o Tihema 1912 i whakatapua ai ia hei Pihopa i te Wharekarakia nui (Cathedral) i Calcutta. Tekau-ma-tahi nga Pihopa i huihui ki te whakatapu i a ia. Ko te papa ote Pihopa he tohimga no nga karakia Maori o era wahi,a ka rongo i te reo o te Wairua Tapu, mahue ana nga huarahi Maori, ka uru ki nga whakahaere Karaitiana. Ko tana whaea he wahine Karaitiana, ko tana mahi he kai-whakaako i roto i nga kura, he tino wahine matau. I whanau te Pihopa ite 17 o Akuhata ite tau 1874. I akona ia ki nga kura o Inia. No te wa tonu i rite ai. mo tana whakamatautauranga whakamutunga mo tana B.A- ka pangia ete mate 44 puru ” (influenza). No te tau 1909 i whakapangia ai hei Minita ete Pihopa o Madras. He maha ana pukapuka kua oti te perehi kite reo Tamil, Telugu, me te reo Ingarihi. Rite katoa tana mohio ki enei reo e tom. Ko tetahi o ana mahi nui ko te whakahaere i tana ropu kauwhau i te rongo pai oto tatou Ariki ki nga wahanga e rima o Inia. Ko te kaupapa o tana ropu e penei ana; ko ratou tonu ko nga Inia hei kaikauwhau, ma ratou tonu rna nga Inia e whakahaere to ratou ropu, a ko nga raruraru katoa e tupu ai nga tikanga tae noa ki nga mom hei oranga mo nga tangata mahi, ma ratou toriu ma nga Inia e tapae. Ko ia te tangata tino kaha ki te hapai i nga tikanga Karaitiana o nga Inia katoa. I runga ite whakamiharo o te Ingarihi ki a ia tukuna ana e te kura nui o Cambridge (te University) te taitara honore ki a ia, ara LL.D. >