KARIPORI.

Toa Takitini, Issue 22, 1 May 1923, Page 8

KARIPORI.

INGA wahi katoa o te ao i noho ai etahi tangata o Nu Tireni. o Ahitereria kei te whakatapua e ratou te 25 of nga ra o Aperira. Kua paahitia e nga Kawanatanga o Nu; Tireni o Ahiteria kia tino whakatapua tenei ra. Koinei te ra kua tapaina nei te ingoa ko ANZAC. Ko te Amo Ahiteria, ko te N.Z. mo Nu Tireni, ko te A.C. mo te Ropu Hoia (Army Corps), ara ko te Ropu Hoia o Ahitereria me Nu Tireni. Hei whakamahara tera ingoa kite ra i whakaeke tahi ai nga hoia o enei whenua e rua i te Taake i Karipori. No te 25 o nga ra o Aperira i te tau 1915 i pikingia ai nga maunga o Karipori e nga hoia o enei whenua e rua. I roto i nga hoia o Nu Tireni a tatou tamariki ote iwi Maori. Koinei te ra i paku ai te rongo toa o nga tamariki o Nu Tireni, pakeha, Maori.. Kei te mohio tatou ki nga korero mo te toa o nga tamariki Maori, mete wehi o nga Taake kite haka a Henare Wepiha me ana tamariki, “Ka mate, ka mate, ka ora, ka ora.” Ka ngaro. atu ra a tatou tamariki kite whakamana ite karanga oto tatou kingi kia awhinatia ia, ko te iwi kainga kei te mihi kei te tangi ki nga tamariki e ngaro atu ra. Ina tetahi o nga tangi:—

Te ope tuatahi No Aotearoa, No Te Waipounamu, No nga tai e wha. Ko koutou ena E nga ran e rima, Ko te Hokowhitu toa A Tu-matauenga: I hinga ki Ihipa, Ki Karipori ra ia; E ngau nei te aroha. Mete Mamae. E te ope tuarua No Mahaki rawa; Na Hauiti koe, Na Porourangi: I haere ai Henare Me to Wiwi, I putu kite pakanga, Ki Paranihi ra ia. Ko wai he morehu Hei kawe korero Kite iwi nui e, . E taukuri nei. E te ope tuaiwa No Te Arawa, No Te Tairawhiti, No Kahungunu. E haere ana ’hau Ki runga o Wiwi (France) Ki reira ’hau nei, E tangi ai. Me mihi kau atu I te nuku o te whenua, Hei konei ra e, E te tan pumau. Na te pakanga ki Karipori i rangona nuitia ai te toa o nga tamariki o Nu Tireni. I te wiki tuatahi ote pakanga ki Karipori kaore he okioki i te ao i te po, kaore hoki he taima watea mo te ata noho kite kai. Engari ahakoa enei ahuatanga kaore e rangona te kupu amua mu a nga hoia. E warn marama te roa o te pakanga ki Karipori. - Ahakoa kaore te Taake i mate i te pakanga ki Karipori, na te whakararurarutanga i nga Taake ki reira i tere ai te hinga o te Whenua Tapu, i pororaru ai hoki a Tiamana ite kore Taake hei awhina mai i a ia. E tika ana kia nui te mihi mo te toa o nga hoia oNu Tireni. He iwi toa a Peretiamu (Belgium) engari kei runga noatu te kaute o nga tupapaku o Nu Tireni i hinga ki nga pakanga. Ko te

tokomaha o tera iwi e kiia nei he Peretiamu e whilu miriona. Hui katoa ona tupapaku i mate ite pakanga 13,000. Hui katoa nga tangata o Nil Tireni neke iti atu i te kotahi miriona. O tatou hoia i hinga ite pakanga 16,613. Mehemea i rite te mate ote Peretiamu ki to tatou me tae ke ona tupapaku ki te kotahi rau mano. Kaati ra waiho te toa o tenei whakatupuranga hei pepeha ma nga uri i muri nei. Engari i tenei wa i a tatou nei, kei wareware tatou kite whakanui ite2s o Aperira iia tau iia tau. Ko te pakeha kaore i te wareware. Ko tatou ko te Maori kaore rawa i te rangona a tatou whakanui mo tenei ra. Kua wareware ranei tatou ki a tatou tamariki e takoto mai ra i tena marae i tena marae? He karakia te mahi nui a te pakeha 1 tenei ra, he whakamahara hoki i te aroaro o te Atua i a ratou tamariki kua wehe atu nei i a ratou. Kei te mihi atu Te Toa Takitini ki te kiri-mate i tena wahi, i tena wahi. Kaore he mate rangatira iko atu i te mate toa ki te pakanga. Kua wehe atu ratou i a koutou. Engari kia mahara ki te ra kua whakaaturia mai nei eto tatou Ariki, e ara mai ai ratou e moe nei i roto i te Ariki, e rite ai nga kupu o ta tatou himene: “ Nei te hari tino hari nui A te wa e tutataki ai. Hui atu tatou ropu katoa Runga te rangi nei.” HURAHANGA KOHATU. No te rua o nga ra o Mei hurahia ai te kohatu o Warana Reweti ite Ruahapia, Heretaunga. Ko Rev. F. A. Bennett, te minita, Na Peeti Rewiri i hura. He nui te hakari a Panapa Tuari me ona tamariki. Kanui te whakamihi kite pouaru ara kia Pane mo te hohoro o tenei mahara mo te Kohatu mo tona hoa kua tangohia atu nei. Ko Rangi Riri Potaka me Peneti, me Peeti, nga whanaunga o te taha ki Te Arawa i tae mai. Ko nga kupu mihi, tangi ki te tupapaku, na Hinekatorangi, na Panapa me Paraire Tomoana a na Peneti i whakarite te taha kia Te Arawa. He nui hoki te mihi kite R.G.S. peene me te kai whakatangi te “ Last Post.” Tamariki ma, kia ora mo to koutou aroha ki to koutou hoa. matua hoki. TA TATOU PEPA. Ko nga korero e hiahiatia ana kia uru kite pepa me tae mai ki Te Etita, Box 300, Hastings, i mua atu i te 24 o nga ra o ia marama. Kia aroha. Mehemea kei te nama koe ki te pepa, tukuna mai to awhina i to taonga. Kei te 1 o ia marama ka perehitia te pepa.