TE KANOHI KOREKOREKO O TE MAORI.

Toa Takitini, Issue 22, 1 May 1923, Page 2

TE KANOHI KOREKOREKO O TE MAORI.

HE kaumatua rongo mii a Te Peehi (Elsdon Best) i waenganui ite iwi Maori mete pakeha. Kei runga atu tona mohio ki nga korero tawhito o te iwi Maori i te nuinga o tatou koroua Maori. Kua hoki mai ratou ko ona hoa i te Tai-rawhiti. I tae rawa ratou ki Waiomatatini kite rapu haere i nga korero tawhito o era hapu o tatou. Kotahi marama o ratou ki reira e tuhituhi ana i nga korero mo te putake mai o Ngati Porou tae noa ki a ratou karakia, a ratou waiata, me o ratou whakapapa. Tenei te whai-korero a Te Peehi ka perehitia hei matakitaki ma tatou. Kanui nga korero mo era atu hapu o tatou kaore ano kia tuhituhia. Mehemea tera ano tetahi kaumatua mohio kei te hiahia kite tuku iho ki ona uri i nga korero tawhito kei a ia e matau ana, tukuna atu he kupu ki a Elsdon Best, Wellington, a mana e whiriwhiri tena take. Ko te tumanako o Te Toa Takitini kia tino manaakitia te kaupapa korero a Te Peehi, a kia tahuri tatou nga morehu o tenei wa, kite hopu haere i nga pitopito korero mo o tatou. tipuna. Ka tika te korero aTe Peehi eki nei 44 1 ahua korekoreko nga kanohi o te Maori i te kitenga i nga taonga whakamiharo a te pakeha, mahue ana nga taonga Maori, whiua ana ki tahaki.” E nga iwi o Aotearoa me Te Waipounamu tae atu ki Wharekauri, e hoki tatou kite kohikohi mai i nga taonga o a tatou matua i whakahaweatia nei e tatou i te korekoreko tanga o tatou kanohi. Mirimiria o tatou kanohi kia kite marama ai tatou he taonga tonu ia nga mea i whiua nei e tatou ki tahaki. Whaia ko te Matauranga.