KEI NGA KURA NUNUI (UNIVERSITY).

Toa Takitini, Issue 20, 1 March 1923, Page 5

KEI NGA KURA NUNUI (UNIVERSITY).

IWHAKAATU ta tatou pepa o Tihema tokorua nga tamariki kua tae ki a Kareti rmi o Christchurch kite whai ite hohonutanga ote matauranga, me te whakahau aTe Toa Takitini kia puta te whakaaro nui o nga tamariki Maori e paahi ana ite Matriculation ki te whai atu ite hohonutanga o

te matauranga i nga Kareti nunui. Kua tae mai te whakaatu tokotoru hoki enei tamariki kua whiwhi ki nga karahipi Kawanatanga (te wariu e £65 ite tau). Kotahi kei te haere ki Otakou, tokorua ki Christchurch. Ko Hakirirangi Hei, he tamahine na Hamiora Hei LL.B. roia o Turanga. Ko te matamua tenei o nga tamariki wahine o te iwi Maori kite whai i nga matauranga o nga Kura nunui (University) kei te haere tenei ki Otakou. Kei te whai ia ite LL.B., ara i nga matauranga mo te mahi roia. E hine tenei Te Toa Takitini te mihi nei ki a koe. I te mea ko koe rawa te tamaiti wahine tuatahi nana i takahi te huarahi ki nga turanga whaitaitara o nga huarahi o te matauranga, kia kaha kia u, kia manawanui. He honore nui mo to iwi Maori ina riro mai i a koe ite wahine he taitara mo nga mahi nunui. Ma te Atua ano koe e tiaki i roto i nga whakamatautauranga maha o ena huarahi, mana hoki e homai he kaha ki to tinana, ki to wairua. Ko tetahi o nga tamariki ko Te Otene Karauria. Ko tenei tamaiti no Tokomaru Bay. 1 paahi mai i nga kura Maori aka tae ki Te Aute aka paahi i tenei wa i te Matriculation. Kua haere tenei o nga tamariki kite Kura nui i Christchurch. Ko tana e whai ana ko te turanga roia ara LL.B. Ko tetahi ano o nga tamariki kua paahi ko Rangi Waikari. He tamaiti tenei na Wi Waikari o Rangitukia i Waiapu. I kurangia tenei tamaiti kite Kura Maori i Rangitukia, i muri iho ki Waerengahika Kareti, i muri i tena ki Te Aute, a hoki ana kite High School o Turanga a paahi nei. Kei te whai hoki tenei ki nga mahi roia, ara LL.B.

Eta ma kia kaha hoki korua. Kia tupato ki nga whakamatautauranga o nga kura nunui. Whakapaua o koutou kaha ki a koutou whakaakoranga. He pai tonu nga mahi takaro, te tenihi i te raumati, te whutu-poro i te makariri, me era atu ngahau, engari kaua rawa nga mahi ngahan e tuknna mai hei whaka-

raruraru i te mahi tuturu i tukuna atu ai koutou ki nga Kura nunui. Kia tupato, kia manawanui, kia kaha. Ma te Atua koutou e awhina e manaaki i roto i ena huarahi hou te tatoko mai na i mua i a koutou.