HE AROHA.

Toa Takitini, Issue 20, 1 March 1923, Page 4

HE AROHA.

KA mutu te Karakia i Waimarama i te 11 o nga ra o Pepuere nei ka hui te iwi o Waimarama ki to ratou tipuna whare ki Taupunga. I reira hoki a Tiati Kiriwheta (Judge Gilfedder). Ka tu mai a Turanga Gillies ki te manaaki i nga manuhiri pakeha me to ratou hoa me Henare Parata, tama a Tame Parata itu nei hei mcma mo Te Waipounamu. Ka mutu nga mihi a Turanga ka tu atu ko Timoti Towhare te morehu o nga kaumatua o Waimarama. No muri i a ia ka tu atu ko Miki Tamati te hoa tane o Morehu Turoa. Ka mutu ana mihi ki nga manuhiri ka huri atu ana korero ki a Tiati Kiriwheta. 44 Haere mai te matua o nga iwi Maori o roto o enei rohe. Kei te koa matou mo to taenga mai kia kite i a matou i tenei ra. Tenei tetahi whakaaro nui kua takoto i toku hoa wahine i a Morehu. Ko tenei wahi e tungia nei e enei whare he papakainga, engari ko te taitara ki tenei wahi kei a Morehu Turoa Ko te hiahia o Morehu he tuku i tenei wahi hei rahui mo te iwi mo ake ake tonu atu. Otira ko tona whakaaro he tuku katoa i tona paanga i konei, te rahi e 9| nga eka, kia rahuitia hei paaka, hei whenua takaro mo nga iwi e rua, Maori, pakeha,

mo ake tonu atu. I te mea kei konei koe te tiati, te tangata mohio ki enei whakahaere, he inoi atu tenei ki a koe kia whakahaeretia mai e koe nga tikanga o te ture kia mana ai tenei tuku mo ake tonu atu. Ka tu mai a Tiati Kiriwheta, a na Peneti, Minita i whakamaori ana korero. Koinei ana korero: — 44 Nga morehu o Waimarama kia ora tonu koutou. He nui toku whakamihi ki tenei aroha nui kua takoto mai nei i a koutou, ara i a Morehu Turoa i tenei ra. E mihi ana hoki ahau kite tapaetanga ite whenua nei hei paaka mo nga iwi e rua, pakeha, Maori. He iwi aroha koutou te iwi Maori. I rite koutou te Maori ki toku iwi ki te Airihi, he iwi aroha, he iwi manaaki. A nga tau e takoto mai nei, kaore e kore te tipu o Waimarama hei taone nui, i te ataahua o tenei wahi, i te pai hoki o te akau hei takarotanga mo nga whakapaparanga a muri nei. Kanui toku whakamihi ki te kaha ote iwi Maori kite awhina haere i nga tikanga nunui. Kanui o koutou whenua kua tapaea hei oranga mo nga main o te Hahi, tae atu hoki ki nga kura. A ko tetahi o nga tino taonga i tukuna hei painga mo Nu Tireni katoa ko te aroha o Ngati Tuwharetoa i tuku nei i Tongariro katoa hei paaka mo ake tonti atu. Ko nga aroha penei te nui, kua kore i taea inaianei i te mea kua iti haere nga whenua kei a koutou. Kei wareware i a koutou te kupu a Te Hetana Pirimia, i tana taenga mai ki konei. Ina tana kupu: 44 Kia tupato koutou te iwi Maori. Ka pena te haere mai ote iwi pakeha mete ngaru e whati ana. Heoi ano e man ai o koutou whenua, ma to koutou kaha kite mahi ahu-whenua. Ki te waihao noaiho o koutou whenua ka riro ite pakeha. Ko te ora mo koutou mo te iwi nui tonu, kei te ahu-whenua, kei nga huarahi ote matauranga. Kaua e noho i runga ite kuaretanga, ka mate koutou. Kei te whakapaua te kaha o nga iwi nunui o te ao ki te rapu ite hohonutanga ote matauranga. I mua he tawhiti tetahi pito oteao i tetahi pito. Inaianei ka korero mai tetahi pito o te ao, kua rangona atu e tetahi pito, ahakoa kaore he waea hei man mai i nga korero. Na te aha? Na nga matauranga hou o roto o enei ra e ora nei tatou. No reira kia kaha koutou. Nga mea mo te ahu-whenua kia whakapaua te kaha, nga mea i wehea mo te rapu i te matauranga, kia kaha. Kia ora, Morehu Turoa, mo to manaaki nui i nga iwi e rua o te Motu.”