TE WHAWHAI KI TARANAWAARA.
• Kei te ngooki tonu te whawhai a te Ingarihi raua ko te Poa ; ko te Poa kei te tohatoha noa atu, ko te Ingarihi kei te whai haere ; kei mua tetahi kei muri tetahi, kei muri tetahi kei mua tetahi, he pena tonu te mahi. Ka ngaro
ana te Poa ki roto i nga poho o ona maunga *’•' kaore e taea atu, otira kei te mahi te hinengaro o tangata iti nei o Rapata, kei te ata kukume i o a taura hei rori i nga tianara o te Pea. Kaore he kahanga o te Poa inaianei ite mea kua whati ke te tuara, ko te wairua totohe noa e koiri nei. Kahore o ratou tumanakotanga atu ki tetahi awhina i waho, i te mea kua kite nga mana nunui i te tika o te whawhai a Ingarangi. I haere nga mangai o te Poa ki nga mana nunui kia houhia te rongo kore rawa he waha i hamumu mai; kua tino hoha etahi o te Poa, heoi ano ko nga koiwi nanakia anake e kaki uaua nei. He uaua noa pea, kei kiia i mate ngohe. Kei te wehewehe noa iho nga tianara o te Ingarihi o te Poa, na reira ka tutataki ana nga mea e rua ngangare tonu atu, e mate fina tetahi taha, e mate ana hold tetahi taha ; hopu herehere ana, hopu herehere ana. I tetahi wehenga iti o Niu Tireni e haere ana i te parae e tata ana ki Hoanipaaka ka tapahia e te Poa, katahi ka riri. Tekau ma whitu o Niu Tireni i riro herehere, ko Rewheteneti Riniri i kino te taotutanga. E 441 nga hoia o Niu Tireni kua whakarere i te ope nui, kua uru kei te ope pirihimana mo nga marama ruarua. He alma ngenge noa pea ua ratau na i te kore e uru ki roto ki nga whawhaitanga ka uru nei ki roto ki nga pirihimana kite iwi whai mahi, nui hoki te utu, 10/- ite ra, tena to te hoia e 5/- ano. I puta te kupu whakahe a to tatou Pirimia. Otira he ahua rite tonu te mahi a nga pirihimana ki ta nga hoia. I te kopaninga a Tianara Hanata i a Tianara Piriniriu o te Poa i Puaripaaka, he nui 0 te Poa i riro herehere, 100 o te Ingarihi 1 whakaorangia e Tianara Hanata. Itelo o nga ra o tenei marama ka 4242 nga Poa kua man herehere i tenei tianara, ko ia rawa e tino arangaranga ana te ingoa i enei ra. Puta mai rate nanakia nei a Patene-Pawera i Mawhekingi, ka haere mai ki Piritoria kite whawhai kite Poa, kaore ia i whakaae ki te okioki. I tona arahinga i tona ope ki roto o Rahitenepaaka ka karapotia ano e te Poa, a e toru pea nga wiki i whakapaea ai ka puta ano ki waho i runga i te kaha o Tianara lana Hamutana. Te oranga tonutanga ka haere ano kite whai haere ite hoa riri. Eta Pawera kia ata rekareka kite tomo ki ro hinaki! He nui nga hoia o Niu Tireni kua hokihoki mai kite wa kainga ito ratou matemate, he nui ano hoki o era atu whenua kua mutu te whawhai i runga i taua take ano. Nui ke atu ta te piwa parekura i ta te mata.
Permanent link to this item
https://paperspast.natlib.govt.nz/periodicals/PIPIWH19000801.2.9
Bibliographic details
Pipiwharauroa, Issue 30, 1 August 1900, Page 5
Word Count
557TE WHAWHAI KI TARANAWAARA. Pipiwharauroa, Issue 30, 1 August 1900, Page 5
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in