HE WHAKARITENGA.
I ta te Atua hanganga i te ao kotahi tonu tana mahi hanga i ia ra, i ia ra, haunga te ra tuatoru mete ra tuaono. I te toru o nga ra ka oti te tuawhenua te hanga katahi ka whakaritea e ia te rakau hei vvhakapaipai i te whenua; a, i te ono o nga ra, ka oti nga kararehe te hanga, katahi ka whakaritea e ia te tangata hei rangatira mo nga kararehe, (Ken. i. 9 —13, 24 —31). Ko te timatanga tenei o te whakaritenga o te rakau kite tangata, a, he maha noa atu nga kupu i te Paipera hei tautoko i taua whakaritenga. I a Hakopa e manaaki ana i ana tamariki i whakaritea e ia a Hohepa kite peka hua, ( Ken. xlix. 22). Na lotama te kupu whakarite tuatahi i korerotia mai i te Paipera, mo te rakau hoki taua kupu whakarite, ( Whakarite. ix. 7 —15 ). E rite ana hoki ki tenei ta lehoaha, (2 King. xiv. g). I whakaritea e Rawiri te tangata tika kite rakau i te taha o te awa, ( Wai. i. 3 ), i pera hoki ta Heremaia ( xvii. 8), kite rakau i whakatokia kite marae o te whare o Ihowa, (Wai. xcii. 12 —14), ki ta Ihaia na Ihowa ratou i whakato, (Iha. Ixi. 3). Ko te tino mea i whakatokia e Ihowa ko tar.a waina i tikina e ia i Ihipa, i whakatokia kite whenua o Kanaana, (Wai. Ixxx. 8—16): ko te mea tera i tangihia ai e ia te hua kore (Iha. v. I—7,1 —7, Here. ii. 21); a, ahakoa i hua kore, i manaakitia e te Atua, i pai hoki ia kia tupu ano, (Iha. xxxvii. 31 ). Kite whai pai te tangata ka whakaritea ia kite rakau e kaha ana te tupu, (Tau. xxiv. 6, Hop. xxix. ig, Wai. xxxvii. 35, lii. 8 ), he tohu hoki te maroke o te rakau no te mate kua pa kite tangata, ( Hop. xix. 16, Hohe. ix. 16, Mara. iv. 1 ). I te moemoea a Nepukaneha, i kitea e ia tetahi rakau i whakaritea kia topea, he tohu tera ki a ia tera ia e hinga, ( Ran. iv. 10 —15, 20 —22). I pera ano te kupu a Hoani Kai-iriiri mo te hunga e kore nei e ripeneta, i mea ia ka turakina ratou, ano he rakau hua kore, ( Ruk. iii. g). Ki ta te Karaiti ko te hua o te tangata te mea e mohiotia ai ia he pai he kino ranei, (Mat. vii. 16 —20). He mea rite hoki ki tenei tana kupu whakarite mo te piki hua kore, (Ruk. xiii. 6—9); na reira i kiia ai e nga kaumatua o te hahi te piki i kanga e te Karaiti he tohu mo nga Hurai (Mak. ix. 20, 21 ). I whakaritea e te Karaiti te Hahi, ara te hononga o nga tangata whakapono ki a ia, kite Waina, ( Hoa. xv. 1 —6); i pera hoki ta Paora engari he oriwa tana rakau whakarite, (Rom. xi. 16 —18). I mahara ano era atu Apotoro ki ta te Karaiti whakaakoranga, mo te abua o nga hua, mo te hua kore hoki,
(Hem. iii. 12, Hur. 12). Tera hoki e kite i he mea marama te whakaritenga o nga wabi o te rakau ki o te tangata. Ko nga pakiaka te mea e tu ai te rakau, ko te whakapono te mea e tu ai te tangata, ka mau nga pakiaka kite oneone, te whakapono kite aroha ote Atua, ( Ruk. viii. 13, Epeh. iii. 17). Ko t e. putake te tino tangata ; kite mea e tika ana te putake ka kiia te rakau he mea pai, he kupu ano te tika mo te tangata pai; i whakaritea e lotama te tangata ware kite tataramoa, kahore nei he putake tika, (tirohia Wai. xxxvii. 37, Tiu. xxxiii. 5, Kaikau. xi. 3). E totoro ana nga manga o te rakau ki tetahi taha ki tetahi taha mete mea e rapu ana i ta ratou e hiahia ana, e pera ana me nga hiahia o te tangata, (Wai. cxix. 112, cxli. 4, Ehek. xvii. 7). E mea ana nga tangata mohio eh ira i te mea pai Ida tukua nga manga kia roa te tupu ki tetahi taha ki tetahi taha, ehara ano hoki i te mea tika kia tukua nga hiahia kia marara nca atu ki tenei taha ki tenei taha, engari me pehi, ( Hoa. xv. 2). Kite kitea atu te rakau i tawhiti e kore e marama te ahua o te putake i te nui rawa o nga ran, waihoki e kore e tino mohiotia te ahua o te tangata i te nui o ana knpn ; e kore rawa te nui o nga kupu e waiho hei tohu mo te pai o nga mahi, pera mete nui o nga ran e kore e waiho hei wbakaatu i te nui o nga hua, ( Mat. xxi. 19, xxiii. 3, Whakatau. x. 19, Wai. cxl. 11 ). Ko nga hua ko nga mahi te tino tohu mo te pai o roto o te rakau o te tangata, ( Mat. vii. 16, xiii. 23, Kara. v. 22, 23). Ka ata tiakina e te Atua nga rakau kua whakatokia nei e ia ki tana kaari, ( Ruk. xiii. 8, Hoa. xv. 2, 1 Kori. iii. 6). Tera ano tetahi rerenga ketanga o te tangata i te rakau. E kore rawa te tangata e manaaki i ana rakau whai hua, e riri i nga mea hua kore ; ko te tangata ia he mea whai whakaaro ra reira i whakahaua ai kia whai hua, i whakatupatoria ai hoki kei hua kore, ( Ruk. vii. 8, Hoa. xv. 16, Rom. vii. 4, Mat. iii. 10, Hoa. xv. 2). Tera ano tetahi mea ka whakatokia e te tangata te rakau kia ora ai ia i nga hua o taua rakau; a, ahak~a kahore 0 tatou hua he aha tera kite Atua, engari e pai ana te Atua ki nga mea whai hua. E kore e utua e te tangata te rakau mo nga hua, ko tatcu ia, tera e riro mai i a tatou tetahi mea nui noa atu i tc utu mo a tatou mahi, ( Rom. vi. 22). Heci ano te mea e riro mai ai 1 a talou taua mea nui, ko te u tonu ki a te Karaiti, ( Hoa. xv. 4, Rom. vii. 4) ; ko te mau tonu kite Wairua Tapu, Rom. viii. 5, Kara. v. 22, 23 ).
Permanent link to this item
https://paperspast.natlib.govt.nz/periodicals/PIPIWH19000801.2.7
Bibliographic details
Pipiwharauroa, Issue 30, 1 August 1900, Page 4
Word Count
1,066HE WHAKARITENGA. Pipiwharauroa, Issue 30, 1 August 1900, Page 4
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in