HE WHAKAARO.
Otepoti, ( Dunedin.) Hune 10, 1900. Kite Etita o Te Pipiwharauroa, E hoa, tena koe. Mau e tuku atu enei kupu mama ki nga wahi e rere ai to manu. I a au i te takiwa o Ngatiporou e haere ana ka rongo au kei te kohia he moni hei whakatu i tetahi kovvhatu whakamahara ki a Eruera Kawhia. He langata tika tenei a Eruera kia maharatia e tatau, e nga whakatipuranga hoki e haere ake nei. Mo runga i te ahua o te whakamahara taku ka mea ake nei. He kowhatu anake ranei te whakamahara mo te tangata ? Ko te whakamahara ranei tenei e hangaia ara ? Kaore ranei he whakamahara ke atu ? E hoa, te take i nui ai a Eruera Kawhia ki roto ki nga whakaaro o nga iwi e mohio ana ki a ia, ehara i te mea na tona kauwhau rangatira, engari nana i whakakotahi nga hapu o te lai-rawhiti. He whakamahara te kowhatu kaore e mau ki roto o te ngakau, no te mea ka tu kite wahi kotahi anake. Tena iana nga whakamahara kowhatu e mohiotia ana kia tauia ake. Kei Wharekahika no Te Houkamau; kei Wai-o-matatini no Nehe Rapata; kei Kaiti no Hirini te Kani-a-Takirau. Kia tae tonu te tangata ki enei kainga katahi ano ka mohio, ko Te Houka-
mau-ki-Waho ano tetahi tangata i ora i mua a kua mate, ko Rapata Wahawaha tetahi, ko Hirini te Kani-a-Takirau tetahi. Tera tetahi tu whakamaharatanga kia whakahuatia ake. Ko Te Makarini kua mate noa atu, a kaore i te wareware i a tatau. I ia tau, i ia tau, e rongo tonu ana tatau i te ingoa o Te Makarini e whakahuatia ana—‘ Te moni a Te Makarini ’ hei whangai i te tamaiti ki Te Aute. He whakamaharatanga tenei kei te mau tonu, a mau ake nei, man ake nei, e whakahoutia ana i ia tau, i ia tau. Taku kupu atu tenei ki a koe ko te whakamaharatanga tika tenei mo Eruera. Ma konei ia ka mohiotia ai e nga pito katoa o nga motu e rua nei. Ko nga moni kua kohia me whakaputu kite peeke, ako te itarete kia £lO pea hei kawe ite tamaiti mohio ki Te Aute. Me whakatu he moni, me hua tona ingoa “ Ko te Eruera Kawhia Scholarship,” hei whakataetaetanga ma nga tamariki o te motu nei. He tokomaha nga tangata e mohio ana au ka kohi mehemea ana ka peneitia te tikanga mo te whakamahara kia Eruera. Heoi ma “Te Koroni” e whiriwhiri enei kupu. Mehemea ana ratau kite whakaae rnai mau e whakaatu mai, hei reira whakatu ai he Komiti whakahaere mo taua mea. Heoi ano, na Tut ere Wi Repa. [ Tera e pakeke te whakarite i te whakaaro a te Tutere, i te mea kua maro te hiahia o te iwi, i te nui rawa hoki o te tahua mo tenei tu whakamaharatanga, kia pea. Otira he mea tika rawa kia ata whakaarohia e taua e te Maori nga mea tika hei whakamaharatanga ki nga whanaunga mate, hei nga mea e whakaaetia e ratou mehemea ratou i te ora, hei nga mea whai tikanga hoki. He patai matau ta te Tutere: “He kowhatu anake ranei te whakamahara mo te tangata?'” Etita.]
Permanent link to this item
https://paperspast.natlib.govt.nz/periodicals/PIPIWH19000801.2.5
Bibliographic details
Pipiwharauroa, Issue 30, 1 August 1900, Page 2
Word Count
538HE WHAKAARO. Pipiwharauroa, Issue 30, 1 August 1900, Page 2
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in