TE HUI KI WHANGARAE.
Kite Etita o Te Pipiwharauroa, E hoa tena koe. Tenei etahi kupu ruarua hei baringa atu ma ta tatou manu ki nga topito e wha o nga Motu nei. Ahakoa kei te wahi koraha matou e huaina nei ko Whangarae, e puta ana ano te hiahia kia rangona o matou reo, mete ahua o a matou mahi. Ko tetahi o nga kai-whakaako o te kura a Miss Denker, no te toru o nga ra o tenei marama i haere ai hei kai-tiaki turoro i te Hohipera o Poneke. He tino wahine pai ia, be atawhai, he aroba, he mate-oha kite tangata. I wehe pai atu ia i runga i te rangimarie. Kaore ano kia whakaturia he whakakapi mo tona turanga engari kei te rapua. No te toru o nga ra o tenei marama ka tu te hui ki konei. I tae mai ano nga tangata maori o Te Hoiere, o Okoha, o Wairarapa,
me <~tahi atu wahi o Ao-tea-roa. E rua nga tima nana i uta mai. Ko nga tino tikanga i kauwhautia e nga kai-korero ko te whakamutu i te kai i nga wai-kaha, ko te tautoko i nga mahi pai i waenganui o te Iwi Maori. Kotahi ran e ono tekau ma rima katoa i hui. I runga i te hiahia o etahi o nga Maori kia kite ratou i te mahi a nga tamarski o te kura e hiahia nei hoki etahi o ratou kia tu he kura ki Okoha, ka whakaaetia e te kai-whakaako e Miss Kelly. Ite ahiahi ote 120 nga ra ka hui atu nga tangata kite whare-kura ara nga taitamariki. Ko nga koroheke me nga kuia kihai i tae. Ko nga mahi, he waiata ropu, he haka pakeha, he whai-korero i roto i te reo Ingarihi. He nui ano te koa mete whakamoemiti a nga tangata kite kai-whakaako me nga tamariki, ara mo te tere kite hopu ito te pakeha reo. I te rongonga o nga kuia, o nga koroua, ka tono kia kawea atu kia kite hoki ratou. Ka tuaruatia ano kite kainga Maori, mete whakamoemiti ano nga kaumatua. No te 16 o nga ra ka hokihoki nga tangata ki o ratou kainga. Kia ora koe i roto i nga mahi a te Ariki i raro hoki i te mana o te Atua. Na Te Waihaere Hiparaiti.
Permanent link to this item
https://paperspast.natlib.govt.nz/periodicals/PIPIWH19000401.2.5
Bibliographic details
Pipiwharauroa, Issue 26, 1 April 1900, Page 4
Word Count
389TE HUI KI WHANGARAE. Pipiwharauroa, Issue 26, 1 April 1900, Page 4
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in