NGA RETA KUA TAE MAI.

Pipiwharauroa, Issue 10, 1 December 1898, Page 4

NGA RETA KUA TAE MAI.

Na Hakopa Kahi, Kaikohe, Bay of Islands. Te utu mo to reta. Kanui te pai o o

korero me o mihi mai ki a matou. Ko te pepa nei no tenei tau ano i timata ai. Ka tukuna atu he pepa ki a koe. Ka mutu to korero mau hoki e tuku atu ki etahi. Mo to patai mai mo te utu, kei ta te Atua manaakitanga i a koe kite rawa te tikanga’ Mau e tuku mai i tau i hiahia ai. Tirohia e koe nga korero o te nama 9 kua tukuna atu nei ki a koe. Tukuna mai o kupu kite iwi. Kanui te pai o tena whakaaro ou. Mehemea ka rite o korero mo tenei pepa, ka whai wateatanga hoki te pepa nei, tera o korero e perehitia.

Kia Rev. Perere Peneti, E tama tena koe te mata ora o o tu» puna i te po. Tena koe te hapai mai na i nga mahi ote whakapono, mete aroha ki o iwi Maori. Kia tau te atawhai ote Atua ki a koe me ton whare katoa. E Hika, i taku taenga mai i Rotorua, ka rokohanga au ki Waipawa i te taenga mai oto reta mihi mo Hori Ropiha. Ka tu au kite mihi ki o kupu, he hari no taku ngakau. Kua ora mai o tupuna, nga tira i te mate, a Pokai, te Waiatua, a Korokai, a Ngahihi; katoa nga uri o Whakaue, i a koe e hautu mai na i runga i te torona kororia. Tena koe e taku mokopuna. Ki taku mohio Uei te hari nui katoa matou o tupuna, e noho mai ra i Rotorua, i Maketu, me o papa. Kati ake ena kupu. E koa ana matou ki to taonga ki to Nupepa. Kua kite iho matou ito tono mai kia tapa atu he ingoa. Kaati kua tureiti pea. He mahara naku kite oha a o tupuna kia tapa atu ki to Nupepa, a “ Matua Tonga.” A, tetehi o aku ingoa i hiahia ai, ko te whare wananga o o tupuna, o Ngatoroirangi, ko “ Tau maihi o Rongo.’’ Kaati aku kupu kia uru ai, Tera e nui atu ake nei. Me tuku mai e koe tetehi pepa ki a au ki to tupuna. Ka kohi atu au Kia tau te aroha o te Atua ki a taua tahi ake ake. Amine. Heoi ano Na to tupuna, Takaanui Te Ipututu. Takapau, H. 8., Tihema 15th, 1898.

Takapau, Hawke’s Bay, Noema 24, 1898. Kia Perere Peneti. E tama tana ra koe, te koiwi o tupuna, o matua kua ngaro atu kite po. E taku mokopuna tena koe te noho mai na i runga i ton torona i nga mahi ki to tatou Ariki pai. Mana tana tahi e tiaki e manaaki i nga wa ' katoa e haere ake nei. Amine. E tama kua putaputa noa te rongo o to

perehi. Kanui taku koa i taku kitenga iho i roto iate “ Tiupiri ” o Whanganui. •Be kupu atu naku ki a koe kia tukua mai nga “ Kupu Whakamarama ” ki a au, kia mohio ai au ; hei tuku maku ki Rotorua, ki Maketu, kite Puke. Katahi nei ano au ka tae mai ki konei, ki Nepia nei, no te Eaumati i mahue ake nei. Me tuku mai e boe nga tikanga o to pepa i te reta perehi ano, kia marama ai te tautoko atu i tena taonga. E taku mokopuna, waha o tupuna kite ao, i runga i tena taonga nui whai ingoa. Mehemea ko nga tikanga anake o te Karaipiture tana mauranga, he aha te he; he pai tonu. A, mehemea mo nga korero katoa, he pai rawa tera. A, he bawekawe mai hoki i o tawhiti korero, a he pai tonu. E tama tena koe. Heoi ake nga mihi a to tupuna ki a koe. Heoi ano. Na to tupuna i roto i te whakapono ki to tatou Ariki. Hohaia Tarakawa.

Te Whaiti, Noema 23, 1898. Rev. Peneti. Tena koe, te manga kua manakohia e te Matua, hai putanga mo enei hua e whai painga ai Tona fiahi Maori, te hunga ia e noho tonu ana i roto i te atarangi o te mate. Rev. Peneti i tono koe ki a- whakaaturia atu te ahua o nga tangata. Kai te tangi atu nga wairua o koutou taina e noho nei i roto oTe Urewera kite maramatanga. Na Te Kooti te hahi me nga whakahaere o konei, kati ko koe e mohio ana kite tino mea hai tuku mai e whiwhi ai ratau i te maramatanga. Tetehi mea kia tino marama ko te timatanga mai me nga tikanga o te Ra-tapu. Kaore he hepara tuturu o e nei wharua, a kite taea te tuku mai ki a maha, o nga pepa nei kia Mr. F. Wykes, ma maua e toha haere. Tenei kakano iti hai o mai. Ma te Atua tatau katoa e wawao. Na to tuahine i roto i te Ariki. Tirita Te Awekotuku.

Kia Tame Erihana, Poneke. Kua tae mai to reta me nga kakano ano i roto, hei o atu mo ta tatou manu. Kia ora tonu koe mo o kupu mihi mai, me to aroha. Joseph G. Baker, Gisborne, Kua tae mai to rata mete kakano a Anaru Ratapu i roto. Tenei ka tukuna atu nga pepa ki o

hoa i tono mai nei. Kanui te whakamoemitiatuki a koe mo to kaha kite whakahaere i nga tikanga mo ta tatou taonga i ena takiwa. Moses Edwin, Matata. Tenei to reta. Ka tukuna atu he pepa ki a koe. Kiakaba, kia u ki nga mahi pai katoa. Akapita Tahitangata, Awahuri. Kua tae mai to tono mo nga Kupu Whakamarama. Tenei ka tukuna atu ki a toe i roto i nga marama katoa. Mo to kupu mo te oranga, kei a koe tena. Henareßoera, Muhunoa, Ohau. Kua tae mai to reta me to aroha. Ka tukuna atu ki a koe te pepa nei i roto i nga marama katoa.