TE KIRIHIMETE ME TE TAU HOU.

Pipiwharauroa, Issue 10, 1 December 1898, Page 2

TE KIRIHIMETE ME TE TAU HOU.

Ki nga iwi ki nga hapu o te Aotearoa me te Waipounamu, tae atu hoki ki Wharekauri, me era atu motu. Tena koutou i raro i te manaakitanga a to tatou Ariki a Ihu Karaiti. He mihi atu tenei na te Kupu Whakamarama ki a koucou e te iwi i roto i, tenei Ra Whanautanga o to tatou ■ Ariki, mete Tau'HduV Ma te Atua tatou katoa e awhina, e tiaki, e arataki ki runga ki nga huarahi pai katoa. Mana tatou e whakakaha kite mahi i nga mahi katoa e tupu haere ai tona kingitanga ki nga marae katoa o nga iwi, o nga hapu, e noho nei i enei moutere, tae atu hoki ki o tatou hoa tangata ki o tatou whanaunga e noho mai nei i nga wahi mamao, i nga wahi kaore nei i• te whitingia e nga tihi o te Ra Whakamarama. He tau hou tenei. Kua tata haere tatou ki to tatou kainga pumautanga. He tira haere tenei. E ki ana a Paora “ Kahore hoki he p i tumau mo tatou i konei ; engari e rapu ana tatou i tetahi i roto i nga wa a muri nei” (Hiperu xiii, 14.) E te whanau e! heaha te o md tatou ki taua kainga ?He aha nga 4aonga kua purangatia e tatou ki taua wahi “ e kore nei e wbakakino te huhu te waikura ; kite wahi hoki e kore ai e keri nga tahae, tahae ai.” (Matiu vi, 19, 20.) Me pewhea te puranga o enei taonga ?Me takahi i nga mahi a to kikokiko, me whai ki nga hna ote Wairua, ara, he aroha, he hari, he rangimarie, he manawanui, he ngawari, he ngakau pai, he whakapono, he ngakau mahaki, he ngakau kuataea te pehi.” (Karatia v, 22, 23.) Konga taonga enei hei whawhao ma tatou ki roto ki a tatou kete, hei o mo o tatou hinengaro, kia tae pai atu ai ki to tatou kainga tuturu, kite aroaro o to tatou Kai Whakaora. He tau hou tenei Kia kaha ete iwi kite rapu i nga tikanga e tupu pai ai to tatou iwi Maori. He maha nga tikanga pohehe kei te mau , lonu i a tatou ite iwi Maori. Ko aua mea me whakakore atu, ara te kai-waipiro, te puremu, te mahi makutu me nga mahi tohunga katoa. No te ao pouri enei mahi, he hua no te kikokiko (Karatia v. 19-21. )£J Hapainga i tenei tau hou nga mahi nunui.

Kia kaha e te iwi ki te whakahaere tikanga mo a tatou tamariki. Tukuna katoatia nga tamariki ki te kura. Ite mea e iti ana ano te rakau e taea te whakatika ; tena kite waiho kia kaumatuatia, kua piko tonu, e kore hoki e tika. Kia pai te whakatupu i nga uri, ko ratou hoki hei Kai-arahi mo te iwi i nga ra e haere mai nei i mua i a tatou. Kia mau. kite whakapono Ko te haramu tenei mo to tatou waka Kaua hei waiho i te whakapono a-ngutu noaiho, engari ko te ngakau kia tapaea atu hei nohanga tuturutanga mo te Wairua Tapu. Ko te kupu nui rawa tenei, kia mau, kia u tonu ki to tatou whakapono, ki to tatou Hahi, kite whaea nana tatou i whakangote ki te u i tupu ake ai tatou hei tangata hei wahine i raro i te maru ote whakapono. Awhinatia to tatou whaea nana nei tatou i tiki alu i roto i nga wa o te pouritanga, i nga wa i kai-tangata ai o tatou tipuna. Kia aroha ki to koutou whaea nana nei koutou i tiaki i arahi a taea noatia te wa i pakeketia ai koutou. Kaore he kino oto koutou whaea. Ma te tangata ano e whakakino ka kino ai. Hapainga nuitia to koutou Hahi. ■ Hoki mai i roto” i te ao pouri, kite ao marama. “ E kore hoki e whakakawea te Atua kite ngakau maru, kite ngakau iro.” I tenei tau hou kia whakaaro nui tatou ki te tuku i te Kongo Pai kia toha haere ki nga wahi o te ao e noho ana i roto i te pouritanga. Whakaarohia te ahua o o tatou whanaunga e noho mai nei i nga Moutere o Meranihia ■ Tukuna to koutou aroha kia puta mo ratou, ara a koutou ohaoha me a koutou inoi. 1 tenei tau hou kia nui ta koutou awhina i o koutou minita. Kaua hei waiho ma ratou anake nga mahi e hapai. Kia tere atu ki te awhina i a ratou. Manaakitia o koutou minita hei Matua hei Hepara mo koutou. Ma te ngahau mai hoki o nga tangata ki o ratou M inita e ngahau ai hoki te mahi a nga Minita i o ratou takiwa. Whakariteritea nga Kai-karakia mo ia kainga kia mau tonu ai te Karakia i nga wa katoa. Whakatuheratia he kura Ratapu i nga takiwa katoa hei ako i nga tamariki ki nga mea katoa e tika ana hei ako ma ratou ki a

mohio ai ratou ki nga mahi kite Atua, kite tangata ano hoki. Kaati era kupu. Mo te taha kite tinana. I tenei tau hou kia kaha kite ako i nga mahi katoa e puta ai he painga kite tinana ote tangata. Ara, kia kaha kite mahi. E ki ana hoki a Paora “Kite kore tetahi e pai kite mahi kei kaiia ” (2 Teharonika iii., 10). Kaua hei noho mangere. Ko nga tangata mangere nga mea e .whakawaia nuitia ana e Hatana. He tikanga honore rawa tenei mea te mahi. Kia kaha kite mahi i o katou whenua, kia pai ai te takoto, kia puta ai he oranga ki a koutou. Ko nga mea e whai rawa ana, kia pai ta koutou tiaki i enataonga i homai ai e te Atua kia koutou. Eki ana hoki a Hakai poropiti, “ Naku te hiriwa, naku hoki te koura e ai ta Ihowa” (Hakai ii. 8). I te mea na Ihowa ena taonga i a koe na, lei wareware koe ki a la. I haere kau mai koe kite ao nei. Ka haere kau atu ano hoki koe. I a koe e ora ana, whakahokia atu ano e koe tetahi wahi o ta te Atua i homai ai ki a koe hei whakanui i tona Kingitanga, hei o, e toha haere ai te Rongo Pai. Kaua hei maumauria a katou rawa, engari whakapaua ki nga mahi e puta ai he painga kite tangata kite Atua. He taranata te moni kua tukua mai ete Atua kite tangata, me tana ki mai ano, “ Whakamahia enei kia tae mai ra no Ahau ” (Ruka 19, 18). Kaati ake i konei nga kupu hei tirohanga iho ma tatou i tenei tau hou. E te iwi e ! he tangi atu tenei ki a koutou i tenei tau hou. Kia kaha, kia maia, kia toa, “ Whakatangata, kia kaha.’ Eki ana o tatou tipuna, “Te upoko i takaia kite akatea, e kore e ngawhere.” “ Kei whakahawea kite iti o tama ;He iti tangata he rongo kua hau e.” Heoi ano Kia ora, kia ora, e te iwi. Na te Etita o te Kupu Whakamarama.