TE WAIPIRO.
Na Ware Waitai. Te Aute. J_nga wa o mua he huhua nga ingoai iriiria kite waipiro, i runga ite whakaaro o te tini mete mano, tera kei roto i taua kai tetahi rongoa whakakaha i te tinana, a arai atu hoki i nga mate huhua e pa mai nei ki te tangata. Ko etahi enei o nga ingoa he " wai kaha" he " wai o te ora." Ana atu te nuinga o ona ingoa. I aua wa he nui te whakamihi o nga takuta, me ta ratou ki ano he rongoa pai rawa te waipiro mo nga rewharewha me era atu mate. c Nuku iti atu pea i te rima tekau nga tau maianei o te tino tahuritanga o te Pakeha kite ata titiro ite tino ahua ote waipiro
Heoi tenei ka whakamaramatia ta ratou i kite iho ai. I. I pohehetia, he kai te waipiro (alcohol). He nui nga tangata i mahara he rongoa whakakaha i te tinana kei roto i te waipiro. Kua tino kitea iho e he ana tenei whakaaro. Kaore kau he rongoa whakakaha, whakapai ranei i te tinana kei roto i te waipiro (alcohol). Na koia enei nga waipiro (alcohol). He wehike, he parani, he tini, he pia. Ko enei waipiro he mamaoa. Kohuatia ai nga paare me era atu mea i hiahiatia hei mahi waipiro. Ko te mamaoa i huri nei hei waipiro. Kia ono nga pauna paare ka oti ai kotahi karani pia. Ko nga mea kei roto i te karani pia, he hawhe pauna arakohoora, he liawhe pauna "mea inaro," a ko te nuinga atu he wai—e iwa pauna. Mehemea i hurihia te ono pauna paare hei rohi—tetahi paraoa pai atu. Ko tenei i whakawaipirotia, ko te nuinga o tona painga i rukea noatia atu. Te moumou i te kai! 11. I pohehctia te waipiro (alcohol) he mea pai hei whakakaha i te tinana. I runga i te horapatanga o tenei pohehetanga, maharatia ana mehemea ka mahue taua kai, ka pa mai he mate. Na kua ki nga tino takuta, aua nga tangata e kaha ana nga tinana e pa kite waipiro. Ahakoa iti nei i inumia—he mate kei rote. Kaore e rere tetahi wahi o te tinana o te tangata ki waho o te whiu a taua kai. Ka he (,e manawa ka paihanatia nga toto ka pa m a he mate kite mahunga me era atu wahi o te tangata. Ka makariri mete wiri ano te tinana, I maharatia i mua, ma te waipiro ka kaha ai te ohu kite mahi. Kati ma te kanohi tonu e titiro iho te he o taua whakaaro. Ka mahue te mahi, he mangare, he hauranga te mea i pahure. Whakarerea ake te waipiro, ka kaha ke atu te tinana, mete mahunga kite mahi. E kiia ana e nga takuta tino matau, kaore he kahanga e puta mai ki te tinana ina kai waipiro (alcohol). 111. 1 pohehetia he mea pai te waipiro hei whakamahana i te tinana. Kongo ai ano ianei te taringa i etahi tangata e mea ana " E inu i te wai nei hei whakamahana i a koe." He whakaaro tino pohehe tenei. Kua tino kitea e nga tangata tino matau, kaore te waipiro e whakamahana, engari ka talmri kite mea i te tinana kia tino makariri. Kati i te hotoke, ko te waipiro i inumia ka tahuri hei hoa mo te tonga hei patu i te tangata. He niaha, he tini nga tangata kua mate i runga i taua pohehetanga. E kiia ana kua tino tiaki
nga kapene o nga tima haere ki nga wahi huka (poles) mataki ai Kaore e paingia e ratou kia mauria he waipiro. Kati nei nga kupu whakamarama a taihoa hoki e whakaoti nga korero mo te waipiro. (Taria e whakaoti.)
Permanent link to this item
https://paperspast.natlib.govt.nz/periodicals/PIPIWH18980901.2.4
Bibliographic details
Pipiwharauroa, Issue 7, 1 September 1898, Page 3
Word Count
627TE WAIPIRO. Pipiwharauroa, Issue 7, 1 September 1898, Page 3
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in