Te Pō Wero Hinengaro ki Wanganui

Muka, Volume 14, Issue 2, 1 December 2002, Page 4

Te Pō Wero Hinengaro ki Wanganui

Nā Quinton Hita

Ka whakaaro ra au, ko te tikanga ia o tend tu po, he wero hinengaro, ehara i te wero i nga kaihautu, kaikorero ranei. E taea te pehea? Ka huihui tenei iwi te Maori, ka hianga.

Kia ora rawa atu e te hunga i tae mai kite po wero hinengaro ki Wanganui na Ruka Broughton i kokiri. Ka tae atu hoki maua ko Kotuku Tibbie (me tono mai, ehara me haere noa atu) hei kaiwero mo taua po. Ko aua mahi ngahau ra and o tenei momo po, a, he haringa ngakau hoki te rongo ake i te reo Maori e korerotia ana i waho o te kura.

Heoi, i haere ke maua ki to maua motera i te tuatahi kite whakatiktika mo nga mahi o te po. He ruma ano to Kotuku, he ruma ano toku. Takoto ana au i runga i taku moenga ka rongo au i te wai wera e rere ana i tera taha o te patu, ko taku hoa e

kaukau ana. Ka roa ka parangia au. Mea rawa atu kua ara ano, whakapae ana au, he hawhe haora pea au e parangia ana ka ara nei, heoi, ara rawa ake e kaukau tonu ana te pokokohua ra! Mutu rawa atu tana kaukau, kua pau katoa ke te wai wera o tera motera, me Wanganui katoa atu. Hore he painga o te awa o Wanganui ma tenei koroke e kai! Kia ahatia, i tu te po, i tu te winiwini, i tu te wanawana, i tu hoki ko Ruka. Ae marika nana tana mahi. I pohehe au ko maua ko Kotuku nga kaikorero, ehara i te kanohi kau hei whakaari, hei whakatoi hoki ma Ruka!

Ka tu he tautohetohe, na te whakaminenga te tuatahi, na nga kaiwhakahaere te tuarua. Na Ruka ano te kaupapa mo te tautohe tuatahi i whakatakoto, e mea nei...'pai ake te paihikara i te hoiho'

Ko taku ki a ia..." Pai ake te paihikara i te hoiho? Ahakoa no Ngapuhi Ngaherehere au, he motoka ke 6 matou i aianei na!" Kati, he whakatara ra. Otira, kahore he pai o aku whakatara, tautohetohe ana ko nga kaiwhakahaere i muri iho ka wikitoria ke ko tera taha. Ka whakapae au ki a Kotuku he kuware nona kite whakahoki korero. He kakata, he harihari, he rawerawe nga hua o taua po, he korero Maori hoki.

Ehara ra i te aha enei korero e tatou ma, he whakaatu kau atu i te whai take o tenei momo hui. Ko te tumanako, kia horo te tutika o nga ritenga o te putea tekau ma rima miriona nei na Tau Henare i whakataha mai i te wa ko ia te Minita mo te reo Maori hei tononga ma tatou hei whakahorapa i enei tu hui ki nga takiwa katoa o te motu. Taria te roanga atu!