Te Whakarewatanga o te whakaaturanga a ‘Tūhoe – Ngā Tamariki o te Kohu’ ki Te Papa Tongarerewa

Muka, Volume 14, Issue 2, 1 December 2002, Page 5

Te Whakarewatanga o te whakaaturanga a ‘Tūhoe - Ngā Tamariki ote Kohu’ ki Te Papa Tongarerewa

Nā juanita Teepa

He honore, he kororia, he maungarongo ki te whenua, he whakaaro pai ki ngd tdngata katoa, Amine.

I te 24 o Whiringa-a-rangi i tau mai te powhiri a Te Papa Tongarerewa kia whakakao mai nga uri o Ngai Tuhoe kite whakarewatanga o te whakaaturanga a ‘Tuhoe - Nga Tamariki o te Kohu’ ki reira. Kua whakatakotohia ki konei nga korero, me nga whakapapa e pa ana ki to matou tipuna a Tuhoe Potiki. Tata tonu kite kotahi mano, rima rau nga tangata i tae mai i nga topito katoa o te motu. E whai ana te whakaaturanga a Tuhoe i nga whakaaturanga a Te Ati Awa me Te Aupouri.

Na te karakia i te atapo o te Rahoroi te 24 o Whiringa-a-rangi te whakaaturanga i whakatuwhera, a, whai ana i te karakia ka tukuna te mauri o Te Papa Tongarerewa mai i Te Aupouri ki a Tuhoe. Katahi ka powhiritia te iwi whanui o Tuhoe.

I muri hoki o nga whaikorero ka heke matou kite papa tuarua kite parakuihi, kite whakarongo hoki ki nga whaikorero a nga rangatira o Te Papa Tongarerewa. Ki a ratou, koinei te timatanga o te mahi tahi a Te Papa Tongarerewa me nga iwi katoa o Aotearoa, a, ko te tumanako ka whakaatuhia e nga iwi katoa o te motu a ratou korero, a ratou taonga ki reira.

Kiki ana te whakaaturanga a 'Tuhoe - Nga Tamariki o te Kohu' ki nga taonga ataahua - nga rakau whawhai a Tumatauenga, nga kakahu, nga whakairo me nga taonga whakahirahira. Kei kona ano nga whakaahua o nga hui ahurei me nga korero e pa ana ki to matou kainga tupu ake ki Te Urewera.

I tu ano nga mahi whakangahau mai i te tekau ma tahi karaka i te ata o te Rahoroi tae noa kite toru karaka i te ahiahi o te Ratapu. Koinei nga mahi a nga kaiwaiata, nga kaikorero, nga kaikanikani, nga kapa haka hoki hei whakanui i te whakatuwheratanga o

tenei whakaaturanga. He uri ratou katoa o Tuhoe. I huakina e te kapa haka o Tu-te-Maungaroa (Tuhoe ki Poneke) nga mahi whakangahau, a, tika tonu, ka whakakapihia e ratou nga mahi whakangahau i te ahiahi o te Ratapu.

Kei te papa tuawha, i waenga o te whakaaturanga Mana Whenua, te whakaaturanga a ‘Tuhoe - Nga Tamariki o te Kohu’. Kei te tuwhera mai i te 24 o Whiringa-a-rangi 2001 kite Whiringa-a-rangi 2003.

Ka how, i e Ka how, i e Ka how koa, te tihi o Maungapohatu ka how Tenei a Tuhoe, ka hiki kite ara O riri whakauaua, 6 riri whakanekeneke Kumea mai, a Ruatahuna ki raw ra Kia whakararakoa te waha o Tuhoe Ki nga kopua wai, ki Whakatane, ki Rangitaiki e E kume nei te whenua E kume nei te tangata Aue, aue, aue ha