He Whare Wānanga Reo Māori

Muka, Volume 14, Issue 1, 1 September 2002, Page 4

He Whare Wānanga Reo Māori

Korero Whakamarama

I te tau 1988, i hua ake i a Timoti

Karetu me nga kaiwhiri o Te Taura Whiri i te Reo Maori kia whakaturia he Whare Wananga Reo Maori. Ko te whainga kia noho ma nga tohunga e whakangungu nga Kaiwhakaako Reo Maori. A, me uru mai hoki ko nga kaiwhakamaori, nga kaipaho, nga kaipurongo me nga kaimatanga whakamahi i te reo i 6 ratou wahi

mahi. Ko etahi atu aronga hei whai ma te Whare Wananga Reo, ko te tiaki kia kore e ngaro nga

matauranga o te hunga matatau i a ratou e matemate atu nei.

I nga tau tekau kua hipa, kua kitea ketia e Te Taura Whiri i te Reo Maori me Te Puni Kokiri ma te whakatu kaupapa e rumakihia ai te Reo Maori e pakari ke ake ai, e tau ke ake ai te hunga korero Maori.

I te marama o Whiringa-a-nuku 2000, na Te Taura Whiri i te Reo Maori i karanga kia hui tahi nga whakahaere e arotahi ana kite reo, a, ka whakaturia he Komiti Whakahaere hei tirotiro i nga ahuatanga whakatu Whare Wananga Reo Maori. I wharikihia te kaupapa

nei hei taunakitanga, i te Hui Taumata Matauranga i Turangi i a Hui-Tanguru 2001. Te Whakarapopototanga Te Reo Maori - Nga Take i Puta • Kia pakari ke ake te Reo Maori • Kia takoto mai nga tawha • Me tau toko, me kotuitui atu ki nga kaupapa Reo Maori. Ko te Whakatinana • He tautoko tonu i nga kaupapa Reo Maori • He paihere atu ki nga Ratonga Reo Maori • He whakatu Whare Wananga Reo Maori me ona tohunga. He Whare Wananga Reo Maori • Hei hiki i te kounga o te Reo Maori e whakamahia ana: e nga kaiwhakaako i nga wahi katoa • Hei tautoko i te ‘whakawhiti i te Reo mai i nga pakeke’ • Hei tautoko i nga kaupapa whakaora i te Reo Maori. Nga Kiritaki Mo Te Whare Wananga Reo • Ko nga Kaiwhakaako, nga Maori i

tipu mai i te reo, nga matua, nga kaiwhakamaori, nga kaimahi kawanatanga, nga kaimatanga, nga umanga, me nga puna reo. Nga Hua • Kia rangona te matu, te ngako o te Reo • Kia eke te Reo Maori e whakaakohia ana ki ona taumata. • He waihanga kaupapa Reo Maori totika. He Aha Kua Tau? • Kua tu te Komiti Whakahaere • Kua oti te rangahau whakataki • E haere ana nga hui korerorero. Hei Whakatutuki • Me whakamatau he akoranga whakangungu • Mahia te mahi • Kia mahi ngatahi nga Ratonga Reo Maori katoa • Ko te whakatu iTe Whare Wananga Reo Maori. Mena e hiahia whakauru mai ana koe ki tenei kaupapa, kia uru mai ranei ou whakaaro, e-mera mai ki tereo@tetaurawhiri.govt.nz me au korero me tau e-mera.