Te Kura Reo mō ngā Wharekura ki Hopuhopu

Muka, Volume 14, Issue 1, 1 September 2002, Page 7

Te Kura Reo mō ngā Wharekura ki Hopuhopu

Nā Q

I tera marama ka haere au ki Hopuhopu kite kura whakapakari reo a Te Taura Whiri. He mea tono mai au e te kaiwhakahaere, e Wiha Te Raki Hawea kia haere atu kite hui nei kite korero ki nga tamariki.

Heoi, tangi mai ana te waea, tahi ano au ka mahara ake, i wareware au kite patai atu pena he aha ranei he korero maku ina tae atu.

Ka penei au, e kore e kore, ko aku mahi i runga i te pouaka whakaata, na te mea, koia ano tera ko aku korero kite iwi, ahakoa au haere ki hea o te motu nei, no reira hore he take e whakarite korero ai! Kia tae atu, tu noa atu ka korero.

Ka tatu taku ngakau i runga i tera whakaaro. Heoi, kei taku taenga atu, te tini o te tamariki, te tini o te kaiako, te kotahi o Q, aue taukiri!!!

Kei te tunga atu kite korero...ano nei, mai-mai-mai katahi ano au ka tu ki te korero! Heoi ano, kia kite ai koe i

te koretake

Kia ahatia, katahi ka poka ke aku korero i aku mahi pouaka whakaata, ka kotiti ke ki etahi aha ke ake ranei!

No muri mai, waimarie rawa atu au i nga tamariki o te kura nei. He whakangahau te mahi.

Ka wehewehea ratou e te nanakia nei e Tipi Wehipeihana, e ono pea tauira ki ia wehenga. Ko ta ratou mahi, he whakaari whakakata.

Na Tipi ano nga kaupapa. Ka haere tera ropu, tera ropu ki tona kokonga mahi ai. Ka roa, ka karangahia nga ropu kia hoki mai, ka ki puru ano te horo, tatari ana matou kia thnata.

Katahi ka timata, ae! Matemate ana matou te hunga matakitaki i te katanga, i te rawe! He rawe hoki!!

Ehara i nga rawe noa iho nei!!! Ko te mohio ai o nga tamariki ra kite

whakangahau, e kore e taea te korero. Ko te whakaari rawe rawa ki a au, ko te haka a nga taitamatane hautupua o Rakaumanga. Ka karanga te kaea:

‘Kurt ma, kia rite!’ (Katahi ka auau mai ana kuri) ‘Whakatuturi ki raro.’

Ehara mai tetahi ahua! Rawe katoa atu ana au! E tatou ma, ma te penei

ka tino ora rawa mai te reo

Ma te hangai ke ake o te korero kite ao e mohio ana koe; te kaha ke ake o to hiahia atu.

He mihi nui ki era tamariki i whakakuri rawa nei i a ratou ano hei kata, hei rawe ma matou - kia ora rawa atu koutou!

Katahi ko nga kaiako; ko ta ratou kaupapa, ko nga ‘Telly Tubbies.’

Whakaarohia - ko Tainui Stephens ma, e hukeke haere ana i te atamira, kei nga hope nga ringaringa e mau ana, ka hitekiteki haere mete ngawingawi haere.

Mutu atu, ko matou ke nga mea e ngawingawi ana i te ngahau. Ka mihi hoki ki a ratou e aroha nei kite tamariki, kite reo hoki kia ora tonu.

Kotahi ano kaiako kahore i reira i taua po. I rongo au, no taua po nei ano katahi ano ia ka wehe atu, he take, he mahi ano ana. Ko wai? Ko wai atu hoki, ko Timoti!

E kore e kore he tino take te take, engari, mena i hou ia kite tima o nga kaiako hei Telly Tubby, kua kore ratou e hinga i nga tauira.

No reira, a tera atu kura, Wiha ma, kua takoto te manuka. Hei a Timoti hei Lala. Hei kona!