Te Etita He Muka
Kei te Poii, Nau mai
Kua whakaaro ahau kia tukuna atu enei korero hei kai mahau, oti and, ma koutou o Te Taura Whiri i te Reo Maori. Ki a koutou, 6 tatou kaitiaki o te reo Maori, e whakatitina tonu ana i te motu kia whakatairangatia ake to tatou reo kite ikeiketanga.
Kati, ko ta maua mahi ko Peti Nohotima, he kawe i te kirimana
‘Whakapiki i te Reo 1 i Te Kupenga o te Matauranga i Te Papa-i-oea. Kua whakarauikahia ki Te Kupenga o te Matauranga etahi pouako o te Reo Maori mo te rua tekau wiki.
Na, i a matou pouako nei e matapaki haere ana i te kaupapa ‘nga pukenga panui’, i puta mai etahi whakaaro e pa ana kite whakaako i te whakahuahua kupu Maori, i te whakahuahua tuwahi Maori.
Na konei, i kitea tetahi huarahi hei awhina i te tamaiti kite whakawhanake i ona pukenga panui, haunga te mahi rangatira o te tohuto.
I te whakaharatau matou i nga rerewahi me nga tuwahi o Aotearoa nei.
Ka patai mai tetahi pouako, “Ka pehea to te tangata mohio ki nga wehewehenga o nga ingoa wahi Maori, ara, nga taone, nga maunga, nga awa, nga aha, nga aha?” Tika tonu te patai nei, na te mea, kare kau he tohu i enei ingoa hei awhina i te tangata.
Anei tetahi tauira:Kei te taha whakararo o Taitoko tetahi tohu rori e ki ana ‘KOPUTAROA’ Ko wai ka mohio me pehea te wehewehe o tera ingoa?
1. Ko-puta-roa 2. Kopu-ta-roa 3. Ko-pu-taroa
No reira, ma wai tenei whakaaro e whai? Tena pea ma koutou.
“Me tapiri etahi tohu ki nga tohu rori hei awhina i te motu - Maori nei, Pakeha nei - kia tika te whakahua i nga ingoa Maori o Aotearoa nei.”
Ko aua tohu ko enei na; ko te tohuto, ko te tohu wehe kupu Te Papa-i-oea Wai-pukurau Rakau-tatahi Rua-taniwha Te Tihi-o-Maru Ao-rangi
Hei aha enei whakaaro? Hei tautoko i nga whakaakotanga o te Reo Maori. Hei whakakotahi i a tatou Ngati Aotearoa.
Hei awhina i nga turuhi
Nei noa iho taku, na runga i te tono a o maua pouako ko Peti Nohotima.
Na Hone Morris
Na te Etita, Ka tukuna to tono ki a Timoti Karetu, mei kore e whakaurua ki nga mahi o ana Kura ma Te Taura Whiri.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20010701.2.9
Bibliographic details
Ngā taipitopito pukapuka
Muka, Volume 13, Issue 4, 1 July 2001, Page 7
Word count
Tapeke kupu
389Te Etita He Muka Muka, Volume 13, Issue 4, 1 July 2001, Page 7
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in