Te Hui W ā nanga Waiata ki Ruatoki
Ko Parekohe te Maunga Ko Ohinemataroa te Aw a Ko Waikirikiri te Marae Ko Kura-i-Monoa te Wharekai Ko Toi-Kai-Rakau te Wharepuni Ko Hamua, Ko Ngati-Mura nga Hapu. Ko Tuhoe te Iwi.
Tena koutou, tena koutou, tena tatou katoa. I te paunga o te marama o Here-turi-koka (mai ite 25 kite 27), i rauika atu nga hapu katoa o te iwi o Tuhoe kite Hui Wananga Waiata mo te Raupatu i te marae o Waikirikiri i Ruatoki. Neke atu i te kotahi rau nga tangata i tae atu. Ahakoa ko te tino kaupapa o te hui he ako i nga waiata me nga whakamarama, he mea angitu tonu ki te noho i waenga i nga uri katoa kite korero, kite whakawhanaunga, kite noho tahi hoki. Me pehea hoki te korero mo te pai o tenei hui, mo te take kua waiho enei korero ki waenga i a matou nga rangatahi hei whangai ki nga uri whakaheke. Na te whakaaro pai a te hunga pakeke, kua noho rangatira matou te hunga taiohi i roto i enei mahi. Ki nga kaiwhakahaere, no koutou te reo karanga, na koutou i whakaara te kaupapa, ka nui nga mihi ki a koutou. Ki te hunga kainga, na koutou i taka te marae, i hapai te kaupapa, tena rawa atu hoki koutou. A, kite hunga i tae atu, he mihi tino nui tenei ki a koutou. Na Juanita Teepa.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20001201.2.7.3
Bibliographic details
Ngā taipitopito pukapuka
Muka, Volume 13, Issue 2, 1 December 2000, Page 4
Word count
Tapeke kupu
240Te Hui Wānanga Waiata ki Ruatoki Muka, Volume 13, Issue 2, 1 December 2000, Page 4
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in