Te Kura ki Rūātoki
N ā Tīmoti
Ko te kura tuatoru mo nga akonga o te papa tuaono, tuawhitu o roto i nga kura kaupapa Maori o Hoani Waititi, o Rakaumanga me Ruatoki itu ki te wharua o Ruatoki.
Ko nga whakatau i te hunga whakaeke ko te wahi noho mete wahi kai, ko te marae oTe Rewarewa Ko etahi o nga mahi i whakahaeretia kite marae tonu, a, ko etahi i kawea kite kura o Ruatoki whakahaere ai.
Tino kitea ana te whai hua o nga kura nei ki nga akonga i tae mai, a, maro ake ana te ahua o te taura tangata i waenganui i nga kura nei. Rangona ana te pai ake o nga reo, kitea ana hoki te hlkaka o te tangata, kitea ana ano hoki kua kaha ke ake te hia whai mai kua kore ke i kaha te koioio, te koroiroi pera i nga kura i te timatatanga.
Whakatauhia ana me haere tonu nga kura nei, ahakoa riro tonu ana ma nga kura me Te Taura Whiri e pikau nga raru. Katoa nga kaiwhakaako e ngakau nui ana ki enei kura na te mea e kitea atu ana te hiahia mai o enei kite reo. Me ki pea ko enei te ora whakatangitangi e totara wahi rua ai te rakau o kuare, o kore mohio.
Kei kiia e korero ana a kumara mo tona mangaro engari e tino tika ke ana kia puta he mihi kite wharua mete marae oTe Rewarewa i tino rangatira nei te manaaki i te hunga whakaeke. Pau rawa ake te wiki kua tino waho pito ke nei!
Ka mihi, ka tangi hoki ki a koutou e hine ma, e tama ma e aro nui mai nei kite reo o 6 tatou tipuna ma koutou ke hoki e ora tonu ai te reo nei no reira kia u, kia mau.
Ko te mihi mo to koutou pai, mo to koutou kakama kite awhina, kite whakamama ite wahi kite iwi kainga. Kaore he whakatenetene engari ia ko te mahi tonu.
Ko te tangi ki a koutou ka takahi nei i nga ara o te ao whanui, koutou kua kore nei i pirahoraho engari kua pakipaki nga parirau kua rere. Ara te ao e tatari mai ra, tangohia ona ahuatanga papai katoa hei painga ano mou, a, mo tatou katoa hoki.
Waiho ma enei kupu o tetahi o nga waiata a Ngoi Pewhairangi te whakaaro e whakatinana.
‘Tend te wa ka kite and Tatau i a tatou katoa, Na te aroha i piri ai ’
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19970901.2.6
Bibliographic details
Ngā taipitopito pukapuka
Muka, Volume 10, Issue 4, 1 September 1997, Page 7
Word count
Tapeke kupu
423Te Kura ki Rūātoki Muka, Volume 10, Issue 4, 1 September 1997, Page 7
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in