Kura ki Waimārama 12 – 17 Kohi-tātea 1997

Muka, Volume 10, Issue 2, 1 March 1997, Page 7

Kura ki Waimārama 12 - 17 Kohi-tātea 1997

No nga ra ote 12 -17 o Kohi-tatea, ote hikuwai ote tau katahi tonu nei ka pahemo, i tu ai te kura tuawhitu a Te Taura Whiri kite marae o Waimarama i Waimarama, rohe o Ngati Ura-ki-te-rangi, o Ngati Hikatoa, o Ngati Kurukuru me Ngati Whakaiti etahi o nga hapu o roto o Ngati Kahungunu.

Tino muia ana tenei o nga kura, a, tae atu ana te tatauranga ote hunga i whakaeke kite ahua 130 nei. He tohu pea tenei e kaha ake ana te whaia mai o te reo e te hunga whakaako, e wai noa iho nei ranei, he pai ranei no te whakaako a nga kaiwhakaako i a ratou.

Ka hoki tonu aku ake mihi ki taku kahui kai whakaako ki a Mate, ki a Miria, ki a Ngahinaturae, ki a Anita, ki a Rahera, ki a Te Haumihiata, ki a Te Waihoroi me Te Wharehuia.

Ahakoa ko te tino whakarite o nga kura nei ko te awhina ke i te hunga o roto i nga kura e autaia tonu ana te matatau, he tokomaha te hunga e haere mai ana o waho atu i tera karangatanga.

Katahi na te kura i tau mai ai tetahi wairua tino pai, a, mete aha ano, rongo ana te katoa i taua wairua ra. Otira, e puta ai tera wairua me ahu mai i te katoa o te hunga i ikapahi mai tae atu ano hoki kite tangata whenua.

Kore rawa i iri maro te manawa i te kaha whiua o tahua roa, a, me hawa te whata roa a Manaia ka tika! Puta ana i te kaiporoporoaki, i a Shane Nikora, te whakaaro o te katoa o te kura i a ia i mihi ra kite tangata whenua, ‘e te umu tao roa a Tiakitai’. Kg i hea he mihi hangai atu i tera?

I waimarie i tenei tau i tau ano tona mahana i nga ra o te warn, kaore i pera i te tau o mua atu me kore ake nei a hotoke hopuapua.

Kati he kura kua tu, he tau ano kua hipa, kia ki noa ake kite iwi kainga, nau nga whakaute i upa ai a kaki, i upa ai a puku kia whakatau penei noa ake ahau,

Pai aha ha! Pai aha ha!