Te Kura Whakapakari Reo Māori o te Raumati 12-17 Kohi-tātea 1997

Muka, Volume 9, Issue 4, 1 September 1996, Page 3

Te Kura Whakapakari Reo M ā ori o te Raumati 12-17 Kohi-t ā tea 1997

Mo te tupono ara etahi o koutou kua anga ke nga whakaaro kite kura whakapakari reo ote raumati, i tenei wa kei te tu tonu, engari e noho tarewa ana etahi o nga ahuatanga putea. Ina hoki e popore ana matou kia riro mai ano he putea tautoko i te Tahuhu o te Matauranga hei awhina i nga kura e whakaarohia ana mote tau 1997. Kiataturawaerawhiriwhiringa, hei reira whakaatuhia ai te roanga atu o nga korero mo ta tatou kura tuatahi o te tau hou.

Heoi ano, ko nga korero kua tatu ke, penei na: Hei te 12 kite 17 o nga ra o Kohi-tatea 1997 tu ai tenei o a tatou kura, kite marae o Waimarama, ki roto o Ngati Kahungunu. Ko te inoi a te Taura Whiri, kia tae katoa mai nga tono whakauru kite kura ite wiki tuatahi o Hakihea 1996, kia pai ai nga whakariterite a tenei pito, tae atu kite iwi kainga kua pohiri ano nei i a tatou kia haere atu ano hei manuhiri ma ratou.

Tena ia kia korerohia tetahi ahuatanga hou i noho mai kite kura itu ki Kirikiriroa ina tata nei. I roto i a matou whiri whiri tahi kite Tahuhu e whakaaehia ai ta matou tono putea hei whakahaere i nga kura mo te tau 1997, i whakaarahia ake e te Tahuhu to ratou hiahia kia ahua whai tikanga ake ta matou aromatawai i nga whakaakoranga o enei kura, kei tupono kaore ke e tino whaihua ana ki nga akonga. Kaore te Taura Whiri i manawaru i tenei korero, engari i whakaritea kia tu tetahi punua whakamatautau i te ahiahi whakamutunga o te kura. I penei ai i runga i te whakaaro kaore pea he he o te whakamatau i tenei tuahua hou ka tahi, a, akene ko nga akonga tonu ka hiahia mohio mena e whaihua ana nga mahi ka rua.

E tama, tena pohehe tena! I te wa i puta ai nga korero mo te whakamatautau, ka tu ko nga ihu o etahi, ka tu ko nga pihi o etahi atu, a, tata tonu etahi ka pokai ano i 6 ratou tueke, ka takahi i te huarahi.

Heoi ano, i te mutunga iho i tu tonu te whakamatautau, engari mete ki taurangi a te Taura Whiri ka kokirihia te take nei kite Tahuhu mete inoi kia kaua e noho mai he whakamatautau penei ki nga hui a tera tau. Katahi ano ka tukuna atu te purongo nei kite Tahuhu, a, ko wai ka mohio ahea matou rongo korero ai i a ratou. Kia kaua e kiia he toitoi

okewa te mahi a te Taura Whiri, engari ko te tumanako ka aro mai te Tahuhu ki tenei inoi a te katoa o nga tangata i whai wahi mai kite kura itu ki Kirikiriroa, akonga mai, kaiwhakaako mai, taiohi mai, pakeke mai.

Engari ahakoa ano tenei ahuatanga whakatutu puehu i noho mai kite kura i Kirikiriroa, ko te wawata nui o te Taura Whiri, kia kaua e kaha rawa te ngakau kawa o te hunga haere mai ki enei kura i enei momo here e taka mai ana i ta matou pati moni i wahi ke hei whakahaere i enei momo kaupapa. Ehara koinei te hiahia o te Taura Whiri, engari me ki kua tupikihia nga ringa, kua kore i taea te aha, atu i te whakapono he kaupapa whaihua tenei, a, me whai ko te huarahi e watea ana e tu tonu ai enei kura. Ara ano hoki pea te mahi ka taea e te Taura Whiri, ko te inoi ka taka te wa e riro tika mai ai nga putea e tika ana hei whakahaere i enei kaupapa reo Maori. A heoi ano, ko tera take tera!

Mena e hiahia ana koe kite roanga atu o nga korero mo te kura tuatahi e tu nei ki Waimarama, e hiahia ana ranei kite whakauru mai, tena whakapa mai ki to matou tari i tenei marama tonu nei, a tera atu marama ranei, kia ata mohio ai matou ki to tatou nui, a, kia pehea ano hoki te nui o nga pukapuka, o nga wahi ako, o nga aha noa iho e pai ai ta tatou noho tahi