Te Mihi ki a Steven Chrisp

Muka, Volume 9, Issue 4, 1 September 1996, Page 2

Te Mihi ki a Steven Chrisp

Kua tata tenei te wha tau mai i te taenga mai o Steven Chrisp ki waenganui i a matou o Te Taura Whiri i te Reo Maori nei mahi ai. Ki a matou nei, otira ki a huhua noa iho, ko Tipene ke tona ingoa karangaranga na reira atu i naianei kua kore i Steven engari kua Tipene.

I haere mai a Tipene ki a matou mai i te N.Z.C.E.R e mohiotia nei ko Te Runanga Whakawa Matauranga o Aotearoa, a, i reira ia i raro i te maru o tera tohunga, o Richard Benton e mahi ana.

Ka haere mai nei ki a matou hei Kaitatari Kaupapa ma matou. Ahakoa iti noa iho tona mohiotanga ki tena mahi i a ia ka tae mai nona ka wehe atu i a matou ina ke noa atu tona mohio ki enei momo mahi.

I tae mai a Tipene me tona ano reo Maori mete pohehe nui ona ko te mea nui ko te korero kia marama kite kaiwhakarongo atu, hei aha noa iho i tino arohia te tika o te takoto. Ka poto nei i a ia enei tau nei ki waenganui i a matou, haere rawa ake nei kua rereke te whakaaro, a, mete aha ano, kua pai noa ake tona reo i a ia ka tae mai.

He tangata ihumanea, ihupiro, a, me ki noa atu "me oti mai a mea ra, a mea wa Tipene". Eke ana kite wa, takoto mai ana te mahi mete pai ote mahinga mai. Nawai au i whakaaro ko te mutunga ke mai nei o te koioio, o te koroiroi engari kua whakaaro nei ia kite haere ki tona turanga hou i Te Puna o te Matauranga kua pupu ake ano tona punua aroha nei i a matou katoa ki ta matou tangata.

Ko taku i whakamiharo ai, ko te kaha ona kite tohe, ahakoa ki a wai, kia tu ano te reo Maori ki tona turanga i whakaaro ai matou e tika ana. Ko tana ake tamaiti ko te reo Maori te reo tuatahi ka kitea i tera tana kaha taunaki, tana kaha whakapono he hua, he mana to te reo Maori.

Kati, Tipene anei noa ake tetahi paku mihi atu ki a koe mo au mahi i mahi ai hei painga mo te reo. Haere atu ra i runga ite aroha mete mihi nui a 6 hoa ka mahue i a koe ki muri nei. Hei ona wa o te mokemoke, o te hia tohe anei matou e noho atu nei, a, me to matou mohio ano ina hiahia matou kia awhina mai, kia tautoko mai a Tipene, kaore koe i tawhiti atu. Hei kona mai i roto i nga mihi Tipene.