Te Marautanga Tikanga-ā-Iwi
No te marama o Here-turi-koka i tera tau i timata ai te kirimana tuhi i te ‘marautanga tikanga-a-iwi’ kite reo Maori. He kaupapa tenei e whakahaeretia ana i raro i te maru o te Taura Whiri, a, ko Evelyn Tobin te kaiarataki. He wahine kaha tenei no Ngapuhi me Ngati Manu, he wahine kua roa e whaiwhai ana i te reo Maori, kua roa and hoki e whakapau kaha ana ki nga kaupapa reo Maori. A, kei tana pakihiwi katau, ko tana kahui kaituhi. He mahi nui tonu ta te ropu nei, ara, ko te whiriwhiri mete tuhi kite reo Maori i nga korero e tika ana kia noho mai ki tetahi pukapuka arahi i nga akoranga tikanga a-iwi. Ina taia ana tenei pukapuka, ka tohaina ki nga karaehe ko te reo Maori to ratou reo matamua.
I tua atu i nga uauatanga ake o tenei hanga, te tuhi ‘marautanga’, ara and etahi whakataumaha, penei i te whai kia tutuki pai te pukapuka i roto i te poto o te wa
kua whakaritea mo tenei kirimana, i te whiriwhiri kupu ‘hou’ i nga wahi kaore e kitea he kupu e mohio whanuitia ana, me etahi atu ahuatanga whakaanini matenga. Na reira e tika ana kia puta he mihi i a matou o te Taura Whiri ki a koutou e pikau nei i tenei mahi nui. Me kore ake koutou e u nei ki tenei ara me to koutou kore hinga i te waewae tutuki, ana ke, whakapau kaha ana kia upoko pakaru rawa.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19960701.2.3
Bibliographic details
Ngā taipitopito pukapuka
Muka, Volume 9, Issue 3, 1 July 1996, Page 2
Word count
Tapeke kupu
256Te Marautanga Tikanga-ā-Iwi Muka, Volume 9, Issue 3, 1 July 1996, Page 2
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in