I TĒNEI, TE AO MATANGURUNGURU
Ina tata nei, ka hoki atu au i te mahi ki taku koroua whare, ka noho, ka mataki i te haora e whakaaturia mai ai nga purongorongo o te ao. Ka whakaatuna mai ko nga kino o nga pakanga pakaha e ngunguru mai ana, e haruru mai ana i tawahi, mete mahi ate kuia, te koroua, te wahine mete tamariki, e takahi ana i te mata o te whenua, ina ra, kua pau katoa 6 ratou kainga ite ahi mete aha noa iho o tenei mea, te pakanga. Katahi ka whakaaturia mai ko tetahi kuia kua tino kaha nei te kureherehe o te kanohi, he kanohi tenei kua haua mai e te tini a Tawhirimatea. Ko nga ringa o te kuia nei, kua neke noa atu i te ringa raupa, kua nunuke katoa nga monamona i te pukumahi. Kua kore te kuia nei e makere i to ratou waka, i te taumaha harukiruki o te wairua. Ko ana hoa katoa kua makere, engari a ia, kua kore e toe tetahi paku kaha, kua kore e taea tetahi atu marurunga roimata. Heoi ano tana, he noho i tana waka mete whakawhirinaki ki tana wahi noho, ka titiro mahoi, ka pao te kanohi, ko wai ka mohio ki whea. Engari te mea e mohio ana au, me he kauae tehe, noku tonu pea tena kuia.
Na i tenei ra, haere matangurunguru atu ana au kite mahi, hoki matangurunguru atu ana kite kainga. Ko te ua makerewhatu tena. Ko te pohehe ka hake te tuara i te taumaha o te mahi tena. Ko te mau oku i te matotorutanga o te waka i te ahiahi tena. Ko te makariri o te whare i te hokinga atu tena. Ka anga taku titiro kite pakitara o taku whare, e iri mai ana nga kauae tehe kuia oku, kua nehe noa atu te whatungarongaro, kua poporoa kite Poho o Rehua. Ka patai te ngakau, i pehea ra koutou i roto i nga matangerengere, nga kawe a riri o to koutou na wa? Katahi au ka whakaaro ki tetahi ruri a Alice Walker i tuhia kite reo Pakeha, a, ka haria mai kia whakamaoritia e Te Taura Whiri. Whakama tonu atu au i aku kutukutu ahi Ara ke te tangata mana te whakangutungutu, ko te kuia e noho puku mai ra i tana waka. Heoi ano, ka whakamaoritia te ruri ra, a, anei e whai ake nei.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19950901.2.7
Bibliographic details
Ngā taipitopito pukapuka
Muka, Volume 8, Issue 3, 1 September 1995, Page 7
Word count
Tapeke kupu
405I TĒNEI, TE AO MATANGURUNGURU Muka, Volume 8, Issue 3, 1 September 1995, Page 7
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in