HE POROPOROAKI
1970 te tau ka haere te kapa haka o WaikatoManiapoto ki Turanga kite whakamanawa i a Kuini Irihapeti te Tuarua me tona whare ariki i tau mai ki reira i runga ano i te reo karanga o te ao Maori. Ko Kelly Koroheke o Ngati Maniapoto, kuia roreka, kuia tino ngahau, kuia arohaina nuitia e te katoa o te hunga i tae mai kite kura ote Taura Whiri ite Reo Maori itu kite marae o Kirikiriroa ite marama o Mahuru 1993, tetahi o nga kaihaka, a, i tutaki maua i nga whakatikatika a te kapa i mua i te haerenga.
Ahakoa tona tino matatau kite reo i haere tonu mai ia kite kura, he hiahia hoki nona kite whai i nga whakamatautau e taea ai e ia te turanga Kaiwhakamaori. He tauhou ki a ia te nuinga o nga mahi engari iu ia mete mangari ano hoki ote hunga i noho i tona taha rongo ai i tona reo ataahua. I muia ano ai hoki na te wairua ngahau , na te ngakau mahaki ona. He kuia mihimihi kite tangata, he kuia waiata noa, he kuia makohakoha, kaore nei ona whakatenetene kite Tnoia atu ia kia riro mana nga ope e karanga kite marae, kite wharekai ranei.
Nana i whakatauira mai te wairua whakahei i a ia i ksrero ai mo te haerenga o ratou ko tona tuakana, ona taina ano hoki kite whenua o Haina. Hemo ana tera te whakaminenga i te kata i te whakarongotanga ki a ia me tana waiata i tito ai, E Koro, kia tere e!" E kore au e rongo ano i te waiata "Ghost riders in the sky" mete kore e hoki ote whakaaro ki a koe!
Kati, Kelly, koira taku kitenga whakamutunga i a koe na reira koira ke te whakaahua ou ka mau tonu ki taku hinengaro, ki taku whatumanawa. Otira, ko korua tahi ko to tamahine ko Petiwaea, i reira e whakangahau ana, a, i roto i te ra nei kua kore ra korua, waiho noa mai ana ko mahara, ko aroha hei hoa haere ki nga kura.
E te reo reka, e te wairua whakakata, e te ngakau aroha nui kite tangata, ma enei kupu o tetahi o nga waiata a tetahi o 6 tipuna hei whakaata i taku i popore ai:
E titi koia te atarau Tiaho i runga ra Hinapouri ka ahu mai ai au Ka ruru kite whare....
Kei taku kaka tarahae, kei taku manu tioriori kua mu nei koe i roto i te ra nei, me mihi taurangi noa rate mihi ki a koe e kui, haere ra, haere atu ra!
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19940301.2.3
Bibliographic details
Ngā taipitopito pukapuka
Muka, Volume 7, Issue 2, 1 March 1994, Page 2
Word count
Tapeke kupu
437HE POROPOROAKI Muka, Volume 7, Issue 2, 1 March 1994, Page 2
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in