HE HUI KI NGĀ KAITUHI, KAITĀ PUKAPUKA REO MĀORI
Nei rate toiri nei te reo tawhiri o Nga Paerangi o roto o Te Ati Hau-nui-a-Paparangi ki nga kawai tauranga-a-uta, tauranga-a-tai kia ramemene ki raro i to ratou kanoi, ki runga i te papa nekeneketanga, papa tapu o 5 ratou tlpuna.
Ka tu tenei hui mo te hunga tuhituhi korero kite reo Maori mete hunga ta pukapuka kua tuhia kite reo Maori kite marae o Kaiwhaiki, i nga tahatika ote awa o Whanganui, a te 15-17 o Mahuru, 1993.
Ko tenei hui e karangatia ana e te Hunga Taunaki Kaituhi Maori, a, ko tona kaupapa he whakahau i te hunga matatau kite reo kia kaha ake te tuhi korero, a, he whakahau ano hoki i te hunga ta pukapuka e tuhia ana kite reo Maori.
I tua atu i enei whakaaro, he whakarite wahi e taea ai te whakawhiti, te whakaputa, te whakatakoto whakaaro e pa ana ki tenei kaupapa.
Kei te kaha te aki mai a nga kura kia nui noa ake nga pukapuka e tuhia kite reo Maori.
Mena he whakaaro, he hiahia ou, he korero ranei au, epa ana ki tenei kaupapa, nau mai tatou kite marae o Kaiwhaiki e takoto nei i raro i te maru o tona tihi tapu o Ruapehu, i te taha ano hoki o tona wai nui, o tsna wai roa, o tona wai mareparepa o Whanganui e tere nei.
(Mena hepatai a koutou mo tenei hui, me whakapa atu ki a Morvin Simon, ki a Deirdre Gardner ke ranei, i te Kuratini o Te Whanganui.)
"Mua te whaia, muri te taea."
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19930601.2.9
Bibliographic details
Ngā taipitopito pukapuka
Muka, Volume 6, Issue 3, 1 June 1993, Page 8
Word count
Tapeke kupu
269HE HUI KI NGĀ KAITUHI, KAITĀ PUKAPUKA REO MĀORI Muka, Volume 6, Issue 3, 1 June 1993, Page 8
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.