NGĀ REO IRIRANGI MĀORI
I tera atu putanga o te Muka i takoto tetahi punua korero mo nga reo irirangi Maori. Karekau he korero pera i whakaurua atu kite putanga ote Raumati, engari kaore tenei take i tutea ki tahaki. Ehara. Ina ra he wahanga tino nui to nga reo irirangi Maori i roto i nga mahi whakatairanga i te reo Maori. Ki te kore e whakamahia tenei momo aratuku hei rauemi reo Maori, kite tukua te korerotia o te reo kia waimeha noa iho, he aha hoki te painga?
Mena kite whakapono atu tatou ki ta nga reo irirangi Maori ano i whakatau ai hei uaratanga mo ratou, he tino kaupapa na ratou te whakatairanga i te reo Maori. Engari kei te kite atu te Taura Whiri e parea ana nga tuara o etahi ki ta ratou ano i whakatau ai, he kore pea no te ngakau i minamina kite kokiri i nga aupiki, i nga ahuatanga papatoiake o tenei kaupapa.
Ko te ahua nei, kei te warea ke etahi o nga reo irirangi kite whakawai ite hunga kaore nei e matatau ana kite reo. Kaore te Taura Whiri eki ana kaua rawa e aroha atu ki tenei hunga, engari ina noa ake te aroha atu kite reo Maori mete hunga e whakamomori ana kia ora tonu tenei puiaki kamehameha a tatou. Waihoki, ko wai kei te ki kore rawa te hunga korero Pakeha e rata atu, e whakarongo atu ki nga reo irirangi kei te paho ki te reo Maori?
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19930301.2.6
Bibliographic details
Ngā taipitopito pukapuka
Muka, Volume 6, Issue 2, 1 March 1993, Page 3
Word count
Tapeke kupu
252NGĀ REO IRIRANGI MĀORI Muka, Volume 6, Issue 2, 1 March 1993, Page 3
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in