TŌKU REO, TŌKU MANA
Ko tenei tau kua tapaina e te Whakakotahitanga o nga Iwi o te Ao ko “Te Tau o te Tangata Whenua, Puta noa i te Ao”.
Na runga i tera whakatau ka takoto te huatau me ahua whakanui ano tera whakaaro. Ko te whakatinanatanga o taua whakaaro ko te whakaaturanga haka, waiata me era atu mahi a te rehia ki Te Pokapu Michael Fowler a te 26 o Pipiri, a te 10 o nga haora i te ata. I tua atu i te whakatau atu i tenei tau ko te: i) whakakotahi i nga kapa haka o Te Upoko o te Ika nei kite whakamanawa ite reo Maori kite waiata, kite haka, kite poi. ii) tuku kia rangona te ataahua o te reo Maori e waiatatia ana, e hakaina ana, e poia ana. iii) tuku kia kitea te ataahua o te Maori ki ana mahi, a, kia rangona ai hoki te wana mete ihi.
I te hui tuatahi i whakaae a Ngati Poneke, a Mawai Hakona, a Pukeahu me Te Herenga Waka kia whakakotahi kite taunaki i te reo tawhiri o te Taura Whiri i te Reo Maori.
I tua atu i enei kapa ko nga manu tioriori nei, ko nga roreka nei kua whakaae kia whai wahi mai, ara, a Huia Brown (Maitai, Ngati Kahungunu), a Matewai McCudden (Nepia, Ngati Kahungunu), a HTrini Melbourne (Tuhoe) raua ko Te Rita Papesch (Ngati Porou) me Hareruia Aperehama (Nga Puhi). Ko te kaipanui mo te ra ko Piripi Munro (Ngati Maru).
E mihi atu ana ki enei kua whakaae nei ma ratou e kawe ake te manuka na te Taura Whiri i te Reo Maori nei i whakatakoto ki o ratou aroaro.
Nau mai kia kawea tatou e nga mahi a te rehia.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19930301.2.5
Bibliographic details
Ngā taipitopito pukapuka
Muka, Volume 6, Issue 2, 1 March 1993, Page 3
Word count
Tapeke kupu
295TŌKU REO, TŌKU MANA Muka, Volume 6, Issue 2, 1 March 1993, Page 3
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in