KO TĀ MĀTOU RĀRANGI INGOA KAIWHAKAMĀORI
Kua oti nei te korero ko tetahi o nga mahi a te Taura Whiri, he whakawa, he whakamana i te hunga e hiahia ana kia tu hei kaiwhakamaori. He nui tonu nga ingoa kua tuhia ki ta matou rarangi kaiwhakamaori i roto i te wha tau mai i te orokohanga o te Taura Whiri.
Heoi ano te ahuatanga whakatuatea mai, kua ahua roa tonu tenei rarangi e takoto kau ana i roto i te konae. Ko te whakapae inaianei kua ngawhewhe haere tenei taonga, kua kore i whai hua - ina hoki kei wahi ke pea, kei whenua ke ranei etahi e noho ana, kua pangia ranei e te ringa kaha o Aitua, kua kore noa iho ranei i hiahia kite uru mai ki tenei momo mahi. Ahakoa pehea, e tika ana kia mohio mai matou, kia taea ai te rarangi kaiwhakamaori nei te whakatikatika, te whakahou.
No reira, kei te tono atu matou ki a koutou ki nga kaiwhakamaori i whakamanahia e te Taura Whiri kia whakapa mai ki to matou tari mete whakamohio mai ae ranei kei te hiahia noho mai koutou i te rarangi kaiwhakamaori nei, a, kei hea koutou e noho ana inaianei.
Mo te hunga kei te hiahia whakauru mai ki nga whakamatautau kaiwhakamaori a te Taura Whiri, me tuhi mai, me waea mai ranei kite kaiwhakahaere whakamatautau. Mana e whakamarama te ahua o nga whakamatautau, kia kite mai koe ae ranei koinei tau e hiahia ana kite whai, kaore ranei.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19930301.2.10
Bibliographic details
Ngā taipitopito pukapuka
Muka, Volume 6, Issue 2, 1 March 1993, Page 6
Word count
Tapeke kupu
251KO TĀ MĀTOU RĀRANGI INGOA KAIWHAKAMĀORI Muka, Volume 6, Issue 2, 1 March 1993, Page 6
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in