TE WHAKAARITANGA REO KI POIPIRIPI

Muka, Volume 5, Issue 4, 1 September 1992, Page 3

TE WHAKAARITANGA REO KI POIPIRIPI

/ te marama o Hongongoi i hui atu te Ahorangi kite tumuaki o te Putahi Reo o Ahiteteiria, ki reira ata whiriwhiri aide ranei ka whai hua, kaore noa iho ranei, te whai wahi atu a te Taura Whiri kite whakaaritanga reo e whakaritea nei mo te 4-7 o Whiringa-a-rangi ki Poipiripi. He mea kohika noa tenei e whai ake nei i tana i tuhi ai mo taua haerenga ona.

E ai kite kaiwhakahaere reo ka whai wahi katoa atu nga reo e korerotia ana, e whakaakona ana ranei i te rohe o Wikitoria. E ai ano ki a ia ko tona tekau ma wha nei nga reo e kaha ana te korerotia, a, atu i te reo Pakeha, ko te reo Kariki mete reo Itariana nga reo e tino nui ana

nga kaikorero. I runga ano i nga whakarite a te kawanatanga o te rohe, ka whai wahi katoa atu nga reo kite putea reo, a, kei roto i tenei tatauranga reo te reo Maori.

Tekau ma waru mano nga Maori o konei, e toru nga kohanga reo (ko tetahi o enei he "kohanga reo pakeke"), e rima nga kapa haka.

E whakaritea ana he wa mo ia reo hei paho i ona whakaaro, i ana korero i te reo irirangi, a, kei te tokomaha tonu o nga kaikorero te nui o te wa e whiwhi ai tena reo, tena reo. I tenei wa 45 meneti i te wiki te whiwhi a te reo Maori, a, panuitia ai nga korero kite reo Maori mete reo Pakeha. Ko te kaipaho kite reo Maori ko Bob Wharerau o Nga Puhi, he tangata taipakeke e matatau ana kite reo; kite reo Pakeha, ko Nemo Adam he tamaiti Rarotonga i kuraina ki Tipene, a, mai ra ano ia i roto i nga mahi papaho, ahakoa tuhi, ahakoa paho.

E rua marama noa iho raua e mahi ana i ta raua mahi engari kua takoto te kupu taurangi a tona wa whakanuitia ake ai te wa paho, tae atu hoki ki nga whakaaturanga pouaka whakaata o konei hei matakitaki mai ma nga Maori o Ahitereiria tae atu ki nga iwi katoa.

Na runga i taku tono atu kua whakaae raua tae atu ki etahi o nga kapa haka kia uru mai ki roto i te whakaaturanga nei mehemea tatou kite whakaae kia whai wahi atu tatou. Katoa nga whare wananga, nga mahi whakaako reo kei te whai wahi mai - hei reira kitea ai, mohiotia ai ano hoki, ta tena whakahaere mahi, ta tena whakahaere mahi.