NGA KUPU HOU A TE TAURA WHIRI
Kei te nui te mihi a etahi o tatou ki nga kupu hou e kitea atu nei e matou o te Taura Whiri.
Heoi ano, i to te Maori ano ahua, kei te taha o nga mihi ko te aniani, ko te tikai a etahi.
He putuputu te rere mai a te tono kia kitea atu he kupu, a, na te hiahiatia mai o taua kupu inamata tonu nei, ka kimihia he kupu, ka hoatu.
Kati, e mohio ana matou kaore i tika kia kimihia mai he kupu i runga i te patiko engari ia me ata noho ke ka whiriwhiri, ka tohetohe, katahi ano ka whakatau. Otira, ko te nuinga o a matou kupu e kitea mai ana i runga i tera ahua.
Ko tetahi ano wahanga o tatou kei te ki he aha te he o te whatoro atu i te kupu a Pakeha, ka huri hei kupu Maori pera i te wa i 6 tatou kaumatua? Ko te nuinga o te matatahi kaore i te matareka ki tera ahua, a, na te mea ma ratou tenei reo e ora tonu ai kua whai matou i ta ratou i manako ai, ara, me nanao tonu ki nga kupu o roto ake i te reo kua kore nei i rangona, ka whakahangai kite kupu hou e kimihia ana.
Kaore matou i te tataki i te iwi kia whai mai i muri i ta matou, engari kei te tono ke atu mena he kupu ta koutou e pai noa ake ana i ta matou i kite ai, tena koa tukuna mai ma konei e tapiri mai kite rarangi kupu o konei ake, ka tohatoha ai kite motu.
Karangirangi ana tera te rongo i nga komekome rere mai i te takiwa engari kaore nei he kiko o tua atu i te komekome noa.
Ehara te kimi kupu hou i te mahi waingohia, ka heke tonu tona paku tota i te kimihanga, engari ka kitea ana ina noa atu te mokori. Tau ana tera te mauri!
Kati, anei ta matou. Mena he kupu ta koutou, tukua mai na te mea e ora ai te kupu me korero,
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19920901.2.3
Bibliographic details
Ngā taipitopito pukapuka
Muka, Volume 5, Issue 4, 1 September 1992, Page 1
Word count
Tapeke kupu
362NGA KUPU HOU A TE TAURA WHIRI Muka, Volume 5, Issue 4, 1 September 1992, Page 1
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in