HE KURA REO

Muka, Volume 5, Issue 4, 1 September 1992, Page 1

HE KURA REO

Ko Te Whanga-nui-a-Tara te maunga, Ko Waimarama te marae, Ko Taupunga te whare, Ko Ngati Ura-ki-te-rangi, Ko Ngati Kurukuru, ko Ngati Whakaiti nga hapu Ko Ngati Kahungunu te iwi, ko Takitimu te waka.

Ka tu tetahi kura reo kite marae o Taupunga, i Waimarama, rohe o Ngati Kahungunu, a te 17-22 o Kohi-tatea, 1993.

Ko tenei kura mo te hunga e autaia ana te matatau kite reo engari kaore e taea te awhina atu te hunga katahi tonu nei ka timata.

Ko tetahi ahuatanga nui o tenei kura he awhina i te hunga o roto i nga kura kaupapa Maori kite whakaako i nga mahi pangarau, putaiao hoki ki te reo Maori. Engari ia ko te tino kaupapa he whakatika, he whakahohonu, he whakawhanui i te matatau ote tangata kite reo Maori kia neke atu ai nga taumata mohio o te tangata.

Ka whakaeke a te Ratapu te 17 o Kohitatea, a te 3 i te ahiahi, ka hiki te kura a muri tonu o te kai o te ata, a te Paraire te 22 o Kohi-tatea, kia roa ai te wa kite hunga haere mai i tuakaihau.

Hei kupu whakatepe noa; kia kore ai e hemanawa te noho kei te katia te nui o te hunga haere mai kite 80 tangata.

E uru mai ai koe me tuku mai e koe tou ingoa me tau moni utu, kotahi rau tara ($100), kia tae mai ki a matou i te Taura Whiri i te Reo Maori nei a te 30 o Whiringa-a-rangi, 1992.

E ki ana ratou, 6 tatou tlpuna, "Mua kai kai, muri kai huare", "E mua ata haere, e muri whatiwhati wae". Ahakoa pehea ko tona whakamaoritanga ko tenei, kia mataara, kia kakama, kei riro ma whakaroaroa, ma takaroa e ponana kuri noa iho ai!

Nau mai, haere mai ki tenei kura o tatou ki reira kimi oranga reo ai mo tatou.