HE PUTIPUTI KOE
He tokoiti nei nga tangata e whakahua tika ana i nga kupu o te waiata i titoa e Ta Apirana Ngata i nga tau kua pahure. Kei te tino kotiti ke te whakahua a nga kuare he kore e mohio kite tikanga o nga kupu. E whai ake nei nga kupu tika:
He putiputi koe, i katohia, Hei piri kite uma, ete tau! He tau aroha koe, koronga roa. Koronga i nga ra, Maku ano ra koe e atawhai Kei kino i te ao; Kia piri tonu mai, hei putiputi pai, I katohia!
Kia tupato! Ko te kupu e whakararu ana i nga tangata kore mohio, ko 'koronga'. Ko te whakahua a te tini, 'karanga'. Kei te he te kupu 'karanga'.
Ko te whiti tuarua e whai ake nei, kaore e waiatatia ana e te tokomaha:
He aha ra, e tohe tonu nei Te aroha kite hoki mai? He tau i karea e roto te po, Te ao, nga ra katoa. He pai kia pono to whakaaro nui Kei kino i te ao; Kia piri tonu mai, hei putiputi pai I katohia!
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA19910901.2.9
Bibliographic details
Ngā taipitopito pukapuka
Muka, Volume 4, Issue 3, 1 September 1991, Page 3
Word count
Tapeke kupu
185HE PUTIPUTI KOE Muka, Volume 4, Issue 3, 1 September 1991, Page 3
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in