HE TUHITUHINGA i nga mahi a te Hui a te Hahi Maori o te Takiwa o Heretaunga i whakaminea ki Omaahu i te 17 o nga ra o Hepetema, 1883.

Mahi a te hui o te Hahi Maori o te Takiwa o Heretaunga i te Pihopatanga o Waiapu, 17 September 1883, Page 5

HE TUHITUHINGA i nga mahi a te Hui a te Hahi Maori o te Takiwa o Heretaunga i whakaminea ki Omaahu i te 17 o nga ra o Hepetema, 1883.

-KOa I G.W3V-0 te Ratapu, no te 16 o nga ra o Hepetema ka huihui nga ) A) tangata o te Hui me te iwi kainga ki te Whare Karakia, ( 28) o Tepene i Omaahu, ka takoto hoki te Hapa ate Ariki, ai e 25 te hunga i tango ite Hapa. I No te Manei, no te 17 o nga ra ka huihui ki roto ki te Whare-kura i Omaahu ite 12 o nga haora. I karangarangatia e te Pihopa nga ingoa o nga tangata o te Hui, me te whakao enei ki o ratou ingoa :

MīNiTA:—Ven. Arehd. Williams, Rev. 8. Williams, Rev. Hoani Te Wainohu, 'Rev. Nirai Runga.

MANGAI REIMANA:—Wiremu Te Kahu, Utaku Te Paetaka, Hohaia Te Hoata, Peni Te Uamairangi, Hanita Te Maero, Henare Tomoana, Hoterene Rahi, Te Harawira, Te Tatere. .

Katahi ka ki te Pihopa kua tu te Hui, ka timataia hoki e ia te mahi ki teinoi. Muri iho ka whaikorero ia ki te Hui.

EAKU HOA AROHA, E NGA MINITA, E NGA MANGAI O TE IWI:

He atawhainga na te Atua i huihui mai ai tatou inaianei ki te mahi ate Hui ote Hahi Māori o tenei Takiwa. ,Ko etahi oto tatou Hui o tera tau kei te ngaro inaianei Kua tae mai te whakaatu a Rev. T. Huata i tona ahua mate i kore ai ia e ahei te haere mai i roto ite marangai i enei ra kua pahure ake nei. Ko taua rangi kino ano pea te take i ngaro ai etahi atu o nga taneata ote Hui. GŌtira kaua tatou e ngakau-kore ite korenga o etahi o tatou e kitea mai inaianei ; engari kia puta to tatou uaua ki nga mahi i whakaminea, ai tenei Hui, kia ngahau ai te mahi a te Hahi ki ia wahi, ki ia wahi, kia kitea ai hoki e te iwi katoa te pai o enei huihuinga o tatou. I

Kahore he rara nui hei whakaohooho i ta tatou mahi i roto i tenei tau kua pahure nei: he mea hoki tenei e whakawhetai ai tatou ki to Atua Kaha rawa, ki te kai whakawhiwhi i ana tangata ki te rongo mau, ki te rangimarie. A

Tetahi mea i imaaha ai au ko te ahua pai o nga tangata o tenei takiwa ite taenga mai o Waikato, o to ratou rangatira hoki, o Tawhiao hei manuhiri ma kontou : i kite hoki ratou i te pumau o to koutou piri ki nga tikanga o te whakapono me to koutou rongo ki te ture. He maha nga tau i takoto ai te aukati a tera iwi, i kore ai e tata atu he kai-kauwhau i te Rongo-pai ki a ratou. To ratou taenga mai ki konei ka rongo o ratou taringa ki te Rongo-pai ote maunga-rongo. 'Tera pea e tupu i roto i a ratou, e whai hua, etahi o nga purapura o te Kupu ote ora i riro atu neii a, ratou i to ratou taenga. mai ki konei.

' . Tenei hoki tetahi mea o te wa kua pahure ake nei i pa mai ai te pōuri ki a tatou, ara ko te ngaronga o to tatou hoa aroha, o Manahi Te Aro. Kahore ano kia ata tutuki te rua o nga tau o tona motuhanga hei minita i roto i te Whare-karakia o tenei kainga. Ko koutou, ko te iwi i mahi ai ia, kei te mohio ki te nui o tona uaua, ki tona ngakau mui. I tae atu hoki ia ki etahi wahi mamao whakahoki mai ai i te hunga kua kotiti atu 1 runga i te huarahi tika. GŌtira kua pai tona Ariki ki te tangoatuiaia i rotoia tatou. "Ko te minita pai, he taonga i whakawhiwhia mai eTe Karaiti ki tana Hahi. Heoi kia anga atu ta tatou inoi ki a ia, ki te Āriki nana nei te mara, kia tonoa mai e ia he kai-mahi ki nga wahi o tana mara kahore nei he kai mahi, kia whakakapia hoki e ia nga turanga o nga mea kua karangatia nei e ia kia haere atu.

Kotahi te mate mui o tenei takiwa e mea nei au kia a ta tirohia e koutou, ara ko te kore kira mo nga tamariki. Ko era atu wahi o tenei pihopatanga kua whai kura. Ko etahi wahi, ahakoa kahore e ngakau-nui ki te karakia, e ngakau-nui ana ki tenei mahi ; he tokomaha nga tamariki e tae ana ki te kura, e ata whakaakona ana hoki. To tenei takiwa ia,'kahore he kura. He kura ano ki Pakowhai i tera tau, inaianei kua kore. - Kei te tu ano nga kura o Te Aute, o Nepia, otira no tawhiti te nuinga o nga tamariki. He tokomaha noa atu ia nga tamariki o nga kainga o tenei takiwa, e kore rawa hoki eo ki ana kura, ĪKo te taha ki te 'Ture a te Paremete kua rite kua takoto noa atu nei he ture etu ai he kura mo nga tamariki Maori. Ki te puritia e koutou a koutoa tamariki ki tae ki te kara, kei whakaakona, he kohuru tenai nga tamariki. Ma tenei Hui e ata titiro te ahua o tenei mate.

Me whai tonu tatou ki te matauranga e homai nei e te Atua. hei tohutohu i a tatou, kia ata kitea ai e tatou he tikanga e tupu pai ai te mahi a te Hahi i roto i a tatou. I

E O nga Ki enei i whakapuakina e te Hui o te Hahi Maori ki Omaahu i a Hepetema 17, 18, 1883. I I

I. Mo rā WHAI-KORERO ATE PIHOPA, -

E whakapai ana tenei Hui ki te Pihopa mo tana whai-korero, he ki atu hoki tenei ki a ia kia whakaae mai ia ki aua korero kia perehitia. I UI I

TĪ, Mo Tā MAHI WHAKARERE WAHINE, TĀNE.

Me whakahaere e tenei Hui tetahi huarahi mo te mahi whakarere wahine, tane. ; : MU

ITI. Mo TE KORE KURA.

. He mate mui no nga kainga o tenei Takiwa i puta nei ite Pihopa i roto i tana whai-korero, te kore kura mo nga tamariki o ia kainga, oia kainga. Ma te iwi e whakaputa he whakaaro kia whakaturia he kura mo nga tamariki. I

IV. Mo NGA HINOTA.

Ko te whakaaro o tenei Hui, me uru ano etahi tangata Maori ki roto ki te Hinota o tenei Pihopatanga, ki te Hinota Nui ano hoki o Niu Tirani katoa. :

V. Mo TE PEREHITANGA I NGA KORERO o TE Hui

Ko nga korero o te mahi a te Hui o te Hahi kia tere tonu te perehi, te tuku ki ia wahi, ki ia wahi.

VI. Mo NGA TANGATA KAHORE NEI E TAE KI TE HUI.

Ki te rokohanga tetahi Minita, Reimana ranei o te Hui e te mate, e te raru nui ranei, e kore ai ia e ahei te tae mai ki te Hui, kia tae wawe he whakaatu mana ki te Upoko o te Hui.

VII. Mo NGA Ki o TERA TAU.

Ko nga Ki i whakapuakina e te Hui i tera tau mo nga mea hei mahinga ma nga. tangata o te Hahi, me perehi ano ki te pukapuka o tenei tau. TE

VIII. Mo mg HUI o TE TAU E HAERE AKE NEI.

Me tu ano te Hui o te Hahi Maori ki tenei kainga, ki Omaahu a, tenei tau e haere ake mei. I

Ts Ki enei i whakapuakina te Hui, i te tau 1882.

TI. Mo NGÄ MAHI A TE HAHI KIA WHAKAATURIA KI TE Hui.

Kia takoto he tikanga mo te minenga o te Hui o te Hahi Maori mo nga tau e takoto ake nei, kia whakaaturia mai ki te Hui e te Minita, e nga tangata o ia Pariha, o ia Pariha, te ahua o nga mahi katoa a te Hahi ki to ratou Pariha. '

TITI. MO NGA KOHIKOHINGA MONI HEI KAWE I TE (RONGO-PAI KI NGA TAUIWI. I .

: Ki te pai te Pihopa me waiho te Ra Whanautanga o Te Karaiti hei ra kohikohinga ki ia Pariha, ki ia Pariha i te moni mo te kawe i te Rongo-pai ki nga tauiwi.

IV. Mo NGA KI A TE HUI I ERA TAU

Kauaka nga tangata o te Hahi i tenei takiwa e wareware ki nga kupu i whakatakotoria e te Hui o te Hahi i nga tau kua mahue ake nei ; engari me tahuri ano ki te mahi i nga mea e hapa ana,

V. Mo me WHARE MINITA.

Kia puta ano he kupu akiaki ma tenei Hui o te Hahi ki nga Pariha e kore ana he Whare Minita kia, hangaa he Whare Minita.

VI. Mo euE KURA RATAPU.

Kia puta ano he kupu akiaki ma tenei Hui o te Hahi kia whakaakona nga tamariki i nga Ratapu i ia kainga, i ia kainga ; kia tokomaha hoki he kai-kura i nga tamariki.

VII. Mo NgÄ KARAKIA POHEHE.

Kia kaha te tohe a noa tangata katoa o te Hahi i tenei takiwa, ki nga tangata e mau nei ki nga karakia pokanoa, pohehe, kia whakarerea,

VIII. Mo TE ORANGA MO TE PIHOPA.

He kupu tenei ki nga Pariha katoa o tenei takiwa kia kohikohia he moni hei oranga mo te Pihopa o tenei Pihopatanga.