HE RETA TUKU MAI.

Kopara, Issue 11, 1 August 1914, Page 5

HE RETA TUKU MAI.

Kite Etita oTe Kopava. TENA koe. E whakaatu ana ahau ki a koe ko te torn tena o nga nupepa, a Te Kopava, kua whakahokia atu e au a ko te rua hoki tena o aku reta e whakaatu ana me mutu te tuku mai o tena nupepa kia rere mai ki au. I mahara ahau i mua tera e pai te whakaatu a Te Kopava i nga tikanga anake ote whakapono. No tana panuitanga i nga kino ote Hahi

Katorika i Amerika ka mea ahau ehara ano s.Te Kopara i te karere pono. He mahara ake e torn nga Hahi kei runga i nga motu nei te mihinare, te Weteriana, te Katorika. Rokohina mai a Niu Tirani e nga Hahi nei e kai ana te tangata i te tangata. Na ratou i whakaatu e hara te tangata ite miiti e tika ana ma te tangata engari tena nga miiti e tika ana ma te tangata he kau, he hipi, he poaka. Kite titiro a toku whakaaro e tuakana e teina ana e whanaunga e taka hoahoa ana enei Hahi ki a ratou. I roto i oku iwi i a Ngapuhi ki Hokianga e torn nga Hahi. Ngapuhi kite Taitokerau e toru nga Hahi. Engari ko to ratou karakia i roto i o ratou huihuinga kotahi tonu. Kati ano te wahi e wehe ai kei nga tikanga whakahaere aia Hahi aia Hahi. No reira ite panui aTe Kopara mo te kino o te Hahi Katorika i America ka mea ahau ka he mau e panui. He mea tika mau e tuku atu he kupu whakaatu kite Kawanatanga o Amerika kia akona paitia taua iwi. Ngaro iho to whakaaro pai i to whakawhirinaki kite kai-ta ite Paipera. Me mutu te tuku mai ote Pepa nei. Rameka E. Waikerepuru. Ohaewai. [E hoa Waikerepuru tena koe. E pai ana ka whakaaetia to tono kia whakamutua te rere atu o Te Kopara ki a koe, engari taria kia kite iho rano koe i nga whakahoki ki nga kupu o tau reta e mau i runga ake nei. Ko to tino whakahe ko te panuitanga a Te Kopara i nga kino o te Hahi Katorika i Amerika. Ka mahara au kia ki koe he teka aua korero kia tika ai hoki ra to whakahe i te panuitanga a Te Kopara i aua korero he korero teka hoki. Tena ko tenei kaore tahi o whakahe engari ko to whakahe ke mo te panuitanga a tenei Pepa i aua korero tika, e whakaae mai na hoki koe he tika : hei whakarapopoto ake ko te whakaaro tenei ara he tika tonu nga kino o te Katorika i Amerika engari hei aha ra i whakina ai eTe Kopara. Tuarua mea ana koe i mahara koe tera e pai te whakaatu a tenei Pepa i nga tikanga anake ote whakapono. E hoa ata whakaaturia mai e koe te he o te panuitanga a Te Kopara i aua korero te auraratanga ranei o aua korero ki waho o nga korero o te whakapono. E mea ana koe he mea ke te Paipera he mea ke ano te whakapono. He mea tauhou ra pea tenei. Ina whakarapopotia tenei whakaaro koia tenei ara “ kaua hei uru nga korero o te Paipera ki roto i nga korero o te whakapono, engari kia korerotia ra ko o tenei ao korero ka korero ai i nga korero o te Paipera. E matau mai na koe ka aua korero whakahe mo te Hahi Katorika he whakahe i a ratou mo to ratou kati i te Pukapuka a te Atua kei korerotia e a ratou whakaminenga. E hoa kia marama mai koe ko te Paipera te whakapono mete whakapono ko te Paipera kaua hei pohehe. E mea ana ano koe e hara Te Kopara ite karere ote pono : ae tera e tika tenei korero au mehemea kaore i panuitia e Te Kopara aua korero he huna tena nana i nga korero pono. Na e hoa mo to korero mo o tatou Hahi e toru i whakaritea e koe kite teina kite tuakana kite hunga ranei e takahoahoa tetahi ki tetahi. E hoa me ki atu e au ko te Hahi anake o Ingarani raua ko te Hahi Weteriana nga mea e tika ana mo ena karangatanga e hara i muri nei engari no to raua na kaupapa tonu iho he roa rawa kite whakamarama i konei. Tetahi kaore ite tino tika to korero ko nga Hahi ena nana i whakarata taua te iwi Maori. Kaore waiho ano koe i muri rawa i te wa kua rarata ke te Maori i tenei Hahi o taua i te Hahi Weteriana hoki. Ko Hamuera Matenga te tangata nana i whakararatia taua te Maori e mohio mai na koe ki ona korero katoa. Otira kei

pohehe mai koe ko au ko te Hahi o Ingarani kei te whakakore i tena karangatanga teina tuakana i waenganui i a au i a koe i te Katorika: kaore, engari ko koe ano. E karanga ana au iauko te Hahi Katorika e karanga ana koe i a koe ko te Hahi ote Romana Katorika. Kei te matau ra koe kite tikanga o enei whakahuatanga mehemea kaore waiho maku e whakaatu ki a koe. E mea ana nga hunga whakapono katoa he mema no te Hahi o Te Karaiti puta noa i te ao tae noa ki a koe te urunga mai: ko koe ia e mea ana ko nga hunga whakapono ko nga hunga anake e whai ana i muri iau tikanga ia te Romana Katorika. Na e hoa no wai te he i kore ai taua e hoahoa, i kore ai e teina e tuakana. Tetahi he tino kainga au na o niho na o te Katorika. E tae atu ana ano ranei ta koutou pepa Maori ta te Katorika ki a koe ? Hei kona koe kite iho ai he tino kaungaunga au he tino taunutanga nau e whakateina tuakana mai na koe. To kupu whakamutunga mo te ngaronga o taku whakaaro pai i taku whakawhirinaki kite Kai-ta i te Paipera. E hoa mehemea he tangata whakaaro whanui koe, he tangata hohonu kite titiro ka kite koe i te kino o tenei mahi o te kati i te Kupu a te Atua kei korerotia e te tangata. Ko koe ano ko te Katorika e pakanga nei i Niu Tirani nei kia kaua e akona te Paipera i roto i nga Kura a te Kawanatanga he take nui tena kei te aroaro ote Kawanatanga inaianei. Ko ahau ko te Weteriana, ko te Perehipitini, ko te Ope Whakaora me era atu karangatanga Hahi kei te turanga kotahi kei te whai katoa kia akona te Kupu a te Atua i roto i nga Kura Kawanatanga katoa. E hoa ko te tino mea tenei nan a i mutu ai ta taua hohoni ta te Maori i a taua ara ko te Paipera. Ka tika ano ra kia ngaro taku whakaaro pai i te kino o tenei mahi a nga Katorika kite puru i nga mangai o a ratou whakaminenga o nga iwi hoki e noho ana i roto ite pouritanga kei kai ite Kupu ote ora. E hoa ata whakaarohia iho enei kupu ka ata whiriwhiri ano o whakaaro, Ko te tino putake o enei kupu hei whakamarama i a koe i era atu hoki e pena ana te titiro i tau na e mohio atu nei au kei roto koutou i te pouritanga e kuhu ana. Heoi ra ete hoa. Kia ora. Etita Kopara.\