NGA RONGO HOU MAI.

Kopara, Issue 11, 1 August 1914, Page 9

NGA RONGO HOU MAI.

Parihi, Akuhata 25. Ko Parihi te taone nui ote Wiwi. No reira te whakaatu mai i te wkawhai ate Wiwi raua ko te Ingarihi kite Tiamani ite Ratapu ka hod ake nei. Kaore te Tiamani i tu he nui o ana tangata i hinga. Kua tae nga kupu whakamihi a Rore Kitini ki nga hoia o te Ingarihi mo to ratou toa. Tetahi mea i kitea nuitia i roto i tenei whawhaitanga he mea hoki i tino miharotia e te Wiwi tae atu hoki kite Tiamani ko te karu ara ko te tika o nga hoia o te Ingarihi kite pupuhi. Ahakoa ko runga anake nei ote mahunga e puta ake ana ki waho o te parepare ka tu kia kitea rawatia atu ko nga waewae ke i runga. Ko te mahi a te Wiwi raua ko te Ingarihi inaianei he whakaware ite Tiamani kia watea ai a Ruhia kite ngaki mai i tana ngaki. Ranana, Akuhata 26. Tino kino te hinganga o Tiamani i a Ruhia i Parahia (Prussia). E wha nga pa i huri i a Ruhia. Nish, Akuhata 25. Ko Nish (Nihi) he taone no Hewia. No tenei ra ka tae mai te rongo ote hinengaro Ahitiria i a Hewia. E 4,500 nga Ahitiriana i riro herehere i a ratou e 53 nga repo, 114 nga wakenga hari kariri me era atu mea whawhai i riro mai. E 20,000 nga mea i taotu. Akuhata 31. No tenei ra ka tae mai te rongo o te rironga i te ope hoia tuatahi o Niu Tireni nei o Hamoa ara te wahanga i raro i te kingitanga o Tiamani.

ERA ATU RONGO HOU.

Kua tae te whakaatu a te Tiapani ki a Tiamani ka whawhai raua. Kua tae hoki ta Ahitiria whakaatu ki a Tiapani ka whawhai raua. Inaianei ko nga iwi enei kei te whawhai ki a ratou, ara: — /Wiwi Ingarani Tiamani \ hj ■ j Ruhia Ahitiria [ j Peratiumu I Hewia ''Tiapani. I te whawhai a nga manuao o te Ingarihi raua ko Tiamani i te moana e wha nga manuao o Tiamani i tino pari nga ihu totohu atu hoki e rua o te Ingarihi i honia noatia iho e te mata ka mutu ano. I te whawhaitanga atu o te Wiwi raua ko te Ingarihi ki a Tiamani e kiia ana i te nui o te mate o te tangata tutu haere tonu kaore i hingahinga. No Tiamani tenei mate. I etahi wahi ka putu ana te tangata e ono putu te tiketike. He hoia hou ano kua tukuna e Rore Kitini kite whawhai e 500,000. Kei te tuku tangata ano a Kanata (Canada) me Inia. Kua whakaaetia nga Maori o Inia Ida haere kite whawhai. Ko ena tonu etahi tino hoia a Ingarani.