HE RETA TUKU MAI.

Kopara, Issue 7, 1 April 1914, Page 6

HE RETA TUKU MAI.

Kite Etita oTe Kopara. HE whakaputa ake tenei i etahi whakaaro kia whakaurua ki nga parirau o ta tatou Kopara. He mihi ake no te ngakau kite hui wahine pakeha i tae mai i nanahi nei ki Manutuke ahakoa kaore i rongo atu i nga korero ko te ahua ia i rongo mo tenei huihuinga nui he pehi rawa atu i tenei hoariri kino i te waipiro e patu nei e pehi nei ite pai raua ko te aroha mete rangimarie ite tinana ano hoki ote tangata e tohe tonu ara kite inu i tenei wai. E hoa ma me whakaaro tatau me titiro ki enei wa ka pahure nei kahore rawa he painga ki a tatou. Kei waiho kino nga mokopuna nga tamariki nga wahine me tahuri ki tenei tikanga ka homai nei era iwi atu e o tatou hoa pakeha ahakoa na ratou ano i mau mai tenei wai ka tahuri ratou kite patu i tenei mea ite waipiro, no te mea kua kitea e ratou tona kino e patu nei ano i a ratou tae mai hoki kia tatou ehara i te mea kaore tatou ite kite i tona ahua o tenei kai. Tera pea tatou eki penei me pehea e taea ai, ka nui nga huarahi e taea ai kei te mohio tonu koe me aroha ki to wahine ki o tamariki ki o whanaunga me inoi ranei kite Matua kia aroha mai ki a tatou. Kaati i konei. Hapi Kiniha. Manutuke. ii Maehe, 1914.

Kite Etita oTe Kopara. EHOA tena koe. E tama he marangatanga ake no te whakaaro na reira i tukua atu ai enei kupu tomtom hei maunga atu ma ta tatou manu ki nga wahi e rere ana ia i roto o te Aotearoa raua ko te Waipounamu me era atu moutere hoki e whakawhiti na ia i te moana nui a Kiwa, i te ara tapokopoko a Tawhaki e whakapaoho na ia i runga i te kare o nga wai. Kaati ra e koro aku mihi atu kia koe i roto i te tau o ta tatou Ariki e whakaora nei ia tatou a kua uru nei tatou kite timatanga o te 100 o to tatou whakapono kia to tatou motu. I taku rongonga ki tenei, koa ana toku ngakau i taku kitenga i tenei tau ano ki au kua 100 aku tau. Heoi ano e hoa nga korero atu kia koe, he koa noku mo tenei mea nui i kite nei au. Na Wharetomokia. Bay of Islands.