HE TANGATA PORANGI I ROTO I TE WHARE KARAKIA.
ITETAHI Ratapu ka haere te minita o Otaika e patata ana ki Whangarei, kite karakia, ka kite ia he tangata ke kei roto ite whare. Na ka ki mai taua tangata tauhou kia ia, ko ia te rangatira o te whare karakia a he mea tika kia harakoa te ahua o nga karakia hei kukume mai i te tokomaha o te tangata ki nga karakia. Na reira kua kitea eia tetahi mea e pai ai te ahua o nga karakia. He mihini-korero tana i whakatu ai ki roto i te whare kakahuranga o te minita, a ko te haona o te mihini he mea whakaputa nana ki roto o te whare karakia he mea wiri te pakitara o te whare. A ko nga taha ote whare karakia he mea whakapiri nana etahi whakaahua o roto i nga nupepa. Ka tahi te nanakia nei ka whakamarama kite minita nei i te ahua o nga karakia kaore rawa te whakaminenga i te u ki te haere mai kite karakia, aki tona whakaaro ma tona mihinikorero katahi ano ka kaha te whakaminenga kite haere kite karakia. I tenei wa ka haere te minita kite whaki ki nga pirihimana. Ka tahi ka mauria kite whare-porangi i Akarana. E ki ana etahi o nga tangata e noho ana ki Otaika, i kite ratou he pu ta taua tangata nei, e ki ana ia hei pupuhi mo nga minita e kino ana ia, mo nga tangata kaore e ata noho ana i roto o te whare karakia, a hei pupuhi hoki mo te tangata kaore e tika ana tona waiata.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/KOPARA19140401.2.10
Bibliographic details
Ngā taipitopito pukapuka
Kopara, Issue 7, 1 April 1914, Page 7
Word count
Tapeke kupu
273HE TANGATA PORANGI I ROTO I TE WHARE KARAKIA. Kopara, Issue 7, 1 April 1914, Page 7
Using this item
Te whakamahi i tēnei tūemi
See our copyright guide for information on how you may use this title.
Log in